Пост канала
- фото
Олохтоох көҕүлээһин бырагырааматынан ‒ кыһалҕата суох сылаас кыстыкка 🪚 Быйыл сайын 1-кы Наахара нэһилиэгэр дьон олоҕун хаачыстыбатын биллэ тупсарар улахан үлэ ыытылынна. Олохтоох көҕүлээһиннэри өйүүр бырагыраама (ППМИ) чэрчитинэн нэһилиэккэ ититиигэ холбонорго анаан саҥа систиэмэлэр тардылыннылар. Ситиһии — биир күнүнэн кэлбит үөрүү буолбатах. Бу — олохтоох дьаһалта уонна нэһилиэк олохтоохторун биир ситимнээх, сыралаах үлэтин түмүгэ. 🏭 Бырагыраамаҕа киирэргэ бырайыагы оҥорууттан саҕалаан, куоластааһыҥҥа тиийэ улахан тэрээһин үлэтэ барбыта. Олохтоохтор баҕа өттүлэринэн үбү-харчыны хомуйууга көхтөөхтүк кытыннылар, оттон дьаһалта өттүттэн докумуоннары бэлэмнээһин, бырайыагы көмүскээһин уонна салалта өттүттэн өйөбүлү ситиһии курдук эппиэтинэстээх соруктар туруоруллубуттара. 🔩 Олохтоох көҕүлээһиннэри өйүүр бырагыраама — бу судаарыстыба уонна дьон бииргэ үлэлээһиннэрин биир бастыҥ холобура. Билигин 1-кы Наахара нэһилиэгэр кыстыкка бэлэмнэнии үгэнэ. Хочуолунай тутуутун «Армон» чааһынай тэрилтэ саҕалаата. Тардыллыбыт ситимнэр тургутууну ааһан, сотору кэминэн дьиэлэргэ сылаас киириэҕэ. Эрдэттэн сыралаах үлэ кыһын тымныы күннэргэ дьон махталын ылыаҕа, оттон нэһилиэк олоҕо өссө тупсан, табыгастаах буолуоҕа. Маннык холобурдар атын нэһилиэктэргэ эмиэ үтүө холобур буолан, олохпутун бэйэбит илиибитинэн тупсарарга көҕүлүүллэр. 🛠️ Эһиилги сылга ыһыахтыыр сири оҥорорго маннык бырагырааманы туһанарга куоластаатыбыт. Сардаана СЕРГЕЕВА. @gazetaerkeii @ulusmedia
Открыть в MAX- Просмотры
- 534
- ER
- 2,8%
- Реакции
- 15