Пост канала
Уһуйбут үөрэнээччилэрэ махтаналлар 🫶🏼 Хас биирдии киһиэхэ оскуолатааҕы сыллара хаһан да умнуллубат, саамай кэрэ өйдөбүлү хаалларар үтүө кэмнэрэ буолаллар. Арассыыйаҕа алтынньы 5 күнүгэр Учуутал күнэ бэлиэтэнэр. 👩🏫 Үүнэр көлүөнэ ыччаты үтүөҕэ-кэрэҕэ сирдээччи, билиигэ-көрүүгэ угуйааччы, сатабылы иҥэрээччи – бу Учуутал буолар. Элбэх көлүөнэ ыччат тапталын уонна ытыктабылын ылбыт учууталлартан биирдэстэринэн СӨ үөрэҕириитин туйгуна, Сорос аатынан пуонда стипендиата, СӨ үөрэҕириитин Бочуоттаах бэтэрээнэ, РФ үлэтин бэтэрээнэ, Дьабыыл нэһилиэгин бочуотаах олохтооҕо Антонина Петровна Баягантаева буолар. Антонина Петровна алтынньы 1 күнүгэр 80 сааһын туолла. 📚 Антонина Петровна 1968 с. Амма улууһун Алтан нэһилиэгин орто оскуолатыгар алын кылаас учууталынан ананан тиийэр. Ол кэмҥэ Алтан оскуолата саҥа орто оскуола буолан, элбэх эдэр учууталлар тиийбиттэр. Кинилэр истэригэр уруһуй, черчение, үлэ уруоктарын учуутала, 4-с кылаас салайааччыта, интэринээт иитээччитэ, эдэр учуутал Степан Баягантаев баар эбит. Кинилиин кылаас оҕолорун эр-биир походка илдьэн, Антонина Петровна хамсаныылаах оонньуулары тэрийэн, Степан Васильевич хаартыскаҕа түһэрэн, киинэҕэ устан, үөрэх босуобуйаларын оҥорууга, атын да үлэлэргэ бииргэ көмөлөсүһэн үлэлээбиттэр. Сиһилии ⬅️ @gazetaerkeii @ulusmedia
Открыть в MAX- Просмотры
- 628
- ER
- 2,1%
- Реакции
- 13