Пост канала
Буойун-учуутал үрдүк аатыгар сүгүрүйэн 🏫 Учуутал үөрэнээччилэригэр иҥэрбит чиҥ билиилээх кылаатынан, иһирэх сыһыанынан олохторун тухары алгыстаах аартыгы арыйар, сырдыкка сирдиир суолдьут сулус буолан суһумнуур. 1️⃣0️⃣0️⃣🌿 Ол тэҥэ Аҕа дойду Улуу сэриитин, педагогическай үлэ бэтэрээнэ, РСФСР үөрэҕириитин туйгуна, Мэҥэ Хаҥалас улууһун Бочуоттаах олохтооҕо Михаил Гаврильевич Громов бар дьоҥҥо ытыктанар үтүө аата күн бүгүҥҥэ диэри ахтыллар. 📝 Балаҕан ыйын 30 күнүгэр ытыктанар учуутал, Аҕа дойду сэриитин иккис истиэпэннээх уордьанын кавалера, хорсун буойун Михаил Гаврильевич Громов төрөөбүтэ 100 сылын бэлиэтиир тэрээһин үлэлээбит кыһатыгар – В.П. Ларионов аатынан Майа орто оскуолатыгар ыытылынна. Үгүс көлүөнэ ыччаты нууча тылыгар үөрэппит, ситиһиилээх үөрэнээччилэрдээх учууталы ахтар-саныыр, аатын үйэтитэр көрсүһүүнү Арассыыйа иитиигэ уонна үөрэхтээһиҥҥэ Бочуоттаах үлэһитэ Ирина Афанасьевна Маркова, итиэннэ нуучча тылын мэтэдиичэскэй холбоһугун учууталлара иилээн-саҕалаан, тэрийэн ыыттылар. 📖 Бэлиэ күҥҥэ Михаил Гаврильевич бииргэ үлэлээбит үтүө доҕотторо – СӨ үөрэҕириитин Бочуоттаах бэтэрээнэ, Учууталлар учууталлара Галина Олесова, Арассыыйа уопсай үөрэхтээһинин Бочуоттаах үлэһитэ Степан Андреев, СӨ үөрэҕириитин туйгуна Иван Павлов, үөрэнээччитэ – РФ норуот үөрэҕириитин туйгуна Дмитрий Сыромятников – Кэрэһиннээх, выпускниктара кытыннылар. Сиһилии ⬅️ @gazetaerkeii @ulusmedia
Открыть в MAX- Просмотры
- 606
- ER
- 2,5%
- Реакции
- 15