Пост канала
- фото
Урбаанньыттар ‒ саҥа таһымҥа 🔸 Балаҕан ыйын 25–26 күннэригэр Дьокуускайга «Кыайыы 50 сыла» успуорт дыбарыаһыгар өрөспүүбүлүкэтээҕи мультиотраслевай универсальнай «Биисинэс-Экспо-2026» быыстапка буолан ааста. 🔸 Икки күн устата Саха сирин 15 улууһуттан 70-тан тахса урбаанньыттар бэйэлэрин бородууксуйаларын ‒ ювелирнай оҥоһуктары, сувенирдары, ас бородуукталарын, билиҥҥи уонна национальнай таҥастары көрдөрдүлэр. Быыстапка таһынан көрөөччүлэргэ маастар-кылаастар, муоданы көрдөрүү, кулинарнай презентациялар, куонкурустар уонна аахсыйалар ыытылыннылар. «ИНВАСТАРТАП: Саха сирэ» Арассыыйатааҕы сүлүөтүн эрэгийиэннээҕи түһүмэҕин кыттыылаахтара туспа экспозицияны көрдөрдүлэр. 🔸 «Бастыҥ быыстапка истиэндэ» салааҕа бастакы миэстэни Наталья Гуляева («Туойдьут Төлөйдөр», Чурапчы) ылла, «Бастыҥ саҥа бородуукта» Эрика Сысоева («Erika Salus», Дьокуускай), «Бастыҥ ассортимент» Владимир Столяров («Neru Rezka», Нерюнгри) ыллылар. 🔸 Кыахтара хааччахтаах урбаанньыттар уонна бэйэлэрин бэйэлэрэ хааччыйар дьон икки ардыларыгар «ИНВА-Экспо» күрэһин түмүктэрэ таһаарылыннылар. «Бастыҥ киэргэтии» салааҕа Уус Алдан улууһуттан Любовь Саввина кыайда, «Бастыҥ саҥа бородууктаны» Дьокуускайтан Дайаана Борисова көрдөрдө, оттон бастыҥ ассортименынан дьүүллүүр сүбэ Мэҥэ Хаҥалас улууһуттан Любовь Дмитриева уонна Анастасия Григорьева оҥоһуктарын бэлиэтээтэ. «Биһиги Мэҥэ Хаҥалас улууһуттан «Биисинэс-Экспоҕа» кэллибит. Олус үчүгэй, таһаарыылаах уонна туһалаах тэрээһин буолан ааста. Элбэх киһи кытынна. Биһиги бородууктабытын ‒ сылгы сиэлиттэн оҥоһуктары көрдөрөн диплому ыллыбыт. Тэрийээччилэр барыларыгар махталбытын тиэрдэбит», ‒ диэн Любовь Дмитриева. Сиһилии ⬅️ @gazetaerkeii @ulusmedia
Открыть в MAX- Просмотры
- 536
- ER
- 2,6%
- Реакции
- 14