Пост канала
🌈 Иитээччи, төрөппүт, оҕо – бары бииргэбит, тэҥҥэ сайдабыт 👧🏻 Анна Егоровна Зыкова аатынан Майатааҕы «Мичил» оҕону сайыннарар кииҥҥэ Дойдуга оскуола иннинээҕи үөрэхтээһин 100 сылын чэрчитинэн, улууска дэкээдэ биллэриллибитинэн кэккэ былааннаах үлэ аттарыллан ыытыллар. 👶🏻 Балаҕан ыйын 29 күнэ Бэйэни салайыныы күнүнэн анаммыта. Төрөппүттэр кэлэннэр иитээччилэри кытта тэҥҥэ дьарыктары ыыттылар, тэрээһиннэргэ кытыннылар уонна иитээччи көмөлөһөөччүтүнэн үлэлээтилэр. 🌺 Кыра бөлөххө Синди Павловна Олесова тулалыыр эйгэ дьарыгын ыытан оҕолорго айылҕа матырыйаалыттан ежик оҥоттордо. Туяра Дмитриевна Старостина эти-сиини чэбдигирдэр дьарыгы ыытта. Сарсыардааңңы хамсаныыны Кирилл Игоревич Васильев тэрийдэ. Онтон Николай Андреевич Аржаков иитээччи көмөлөһөөччүтүнэн сарсыардааңңы аһылыгы бэлэмнэстэ, ону кытта эбиэккэ Айна Максимовна Шарина үөрэ-көтө көмөлөстө. 🌸Орто бөлөххө Иннокентий Афанасьевич Олесов эти-сиини чэбдигирдэр дьарыгы ыытта, Алена Гаврильевна Яковлева иитээччи көмөлөһөөччүтүнэн кытынна. 🌼Улахан бөлөххө Любовь Алексеевна Акимова ахсаан дьарыгар оҕолорго геометрическэй фигуралары хатылатта, оонньуулары тэрийдэ. Николай Андреевич Аржаков сарсыардааңңы эти-сиини чэбдигирдиини ыытта. Айна Владимировна Устинова иитээччи көмөлөһөөччүтүгэр ас тардыытыгар көмөлөстө. 🌷Бэлэмнэнии бөлөххө Сергей Иванович Попов муусука дьарыгын ыытта, манна оҕолор баян доҕуһуолунан хамсаныылары оҥордулар, мусукаалынай үнүстүрүмүөннэргэ оонньоотулар. Евгения Васильевна Максимова сахалыы остуол оонньуутугар хабылыкка билиилэрин чиҥэттэ. Төрөппүт иитээччи оруолун толордо. 🌿Бүгүҥҥү тэрээһиҥҥэ төрөппүттэр олус кыһаллан, бэлэмнэнэн кытыннылар. Иитээччи түбүктээх үлэтэ эппиэтинэстээҕин, элбэх хайысхалааҕын бэлиэтээтилэр. Маннык тэрээһиннэр өссө да салгыы ыытыллалларыгар этии киллэрдилэр. @gazetaerkeii @ulusmedia
Открыть в MAX- Просмотры
- 578
- ER
- 1,9%
- Реакции
- 11