Пост канала
🍗🥩 Иҥэмтиэлээх бэйэ аһынан хааччыйар 👨🌾 Хотун Төҥүлү олохтооҕо Иван Егорович Борисов бочуоттаах сынньалаҥҥа олоруоҕуттан кэтэх хаһаайыстыбатынан утумнаахтык дьарыктанар. Кини эдэр сааһыттан сүөһү-ас тутан олорбута. Онтон сааһырыыта улахан уола Артем Борисов бааһынай хаһаайыстыба тэринэригэр көмөлөһөн сүөһүтүн киниэхэ анаабыта. Ол кэмтэн ыла бэйэтэ таах олорумаары, түргэнник ситэр салааны ылсан, дьиэ кыылларын иитэн кэллэ. 🦃🐖 Иван Борисов быйыл 2 кыстаабыт, 3 кыра сибиинньэлэрдээх, 4 индюктаах, 3 хаастаах, 6 кустаах, 10-тан тахса кууруссалаах. Индюктарын саас бу дьыаланан дьарыктанар Төҥүлү олохтооҕо Аркадий Заровняевтан сымыыттан саҥа тахсааттарын кытта ылан, салгыы инкубаторга туруоран ииппит. 🪿🦆 Хаһаайын “Хаар уулунна да таһырдьа тахсар буолаллар. Күһүн идэһэ оҥосторбор биир индюк ортотунан 15-20 киилэ буолар, этэ сымнаҕас, доруобуйаҕа туһалааҕынан биллэр. Дьиэм кыылларыгар, көтөрдөрбөр аһылыктарыгар оҕуруот аһын, отун-маһын, комбикорм, ас тобоҕун, абараах үүт, иэдьэгэй, о.д.а. биэрэбин. Козалар мэччийэллэр, ону таһынан эбии тугу баҕарар сииллэр, онон, ким баҕарар иитиэн, дьарык оҥостуон сөп. Мин бу дьарыкпын олус сөбүлүүбүн, дьиэ кэргэммин битэмииннээх аһынан хааччыйабын диэн астынабын” – диэн санаатын үллэһиннэ. ➡️➡️➡️ Сиһилии: https://xn--h1abcx8dca.xn--p1ai/i%d2%a5emtieleeh-beje-a%d2%bbynan-haachchyjar/ @gazetaerkeii @ulusmedia
Открыть в MAX- Просмотры
- 589
- ER
- 2,0%
- Реакции
- 12