Пост канала
- фото
Балыктаахха тупсарыныыга үлэ-хамнас былааннаахтык ыытыллар 🎤Мэҥэ нэһилиэгин баһылыга Ньургун Габышев талыллан үлэлээбитэ биир сыл буолла. Кинини көрсөн нэһилиэккэ ыытыллар үлэ-хамнас туһунан туоһуластым. 🌾 Сайын устата олохтоохтор от үлэтигэр күүскэ турунан, кураан күннэри баттаһа оттооннор от былаанын толорбуттар. Бу саас «Хаххах» кэпэрэтиип үлэһиттэрэ Дьулус Говоров, Илья Мохначевскай былырыын субуотунньугунан күрүөлэммит бааһыналарыгар ыспыт бурдуктара өлгөмнүк үүнэн билигин хомуур саҕаланна. Бүгүҥҥүттэн сиилэстээһини саҕалаабыттар. Мараҕа сайылыкка сүөһүлэрин таһааран үлэлииллэр. Уолаттар бэйэлэрэ ыанар ынахтарга анаан титиик туппуттар. Аны 100 миэстэлээх хотон тутулла турар. 🚜 «Сүрэх тыа» түөлбэҕэ Депутатская уонна Колхозная уулуссаларга өрөмүөн оҥоһуллан уулуссалары тупсарбыттар. Урбаанньыт Николай Кириллин суол өрөмүөнүгэр успуонсардаан улахан көмөнү оҥорбут. 🛠️ «Хаарбах дьиэттэн көһөрүү» бырагырааманан түөрт кыбартыыралаах саҥа дьиэ матырыйаала кэлэн үлэ саҕаланыахтаах. Василий Дьяконов сайын устата уу ситимин көрөн-истэн үчүгэйдик үлэлэттэ диэн нэһилиэк олохтоохторо Василий Гаврильевичка махталларын биллэрдилэр. 💪🏼 Биир сонун саҕалааһынынан Ньургун Владимирович көҕүлээһининэн 6-10 кылаас уолаттара, «Мохсоҕоллор» диэн ааттанан сарсыарда аайы учуутал Давид Михайлович, ыччат лиидэрэ Лука Говоров салалталарынан эрчиллэн эрэллэрэ буолар. Күһүҥҥү түбүктэртэн биирдэрэ хортуоппуй хостооһуна буолар, манна дьэ «Мохсоҕоллор» кырдьаҕастарга история учуутала Никифор Никифорович, лиидэр Лука Говоров салалталарынан улахан көмөнү оҥордулар. Аны билигин кыыдааннаах кыһыны көрсөргө бэлэмнэнэн оттук маһы бэлэмнээһинэ сааскыттан саҕаланан, бу күннэргэ саһаан маһы байыаннай дьайыыга сылдьааччылар төрөппүттэригэр уонна тыыл бэтэрээннэригэр босхо тиэйэн киллэрии үлэтэ ыытылла сылдьар. Сиһилии ⬅️ @gazetaerkeii @ulusmedia
Открыть в MAX- Просмотры
- 582
- ER
- 1,9%
- Реакции
- 11