Пост канала
Алтан нэһилиэгин олохтоохторо куоластааһыҥҥа көхтөөхтүк кытталлар 🗳 Алтан нэһилиэгэр 268 №-дээх быыбардыыр учаастакка быыбар хамыыһыйатын бэрэссэдээтэлинэн Анна Матчитова, бэрэссэдээтэли солбуйааччынан Февронья Попова, сэкирэтээринэн Мария Негнюрова, чилиэннэринэн Анджела Аринкина уонна Зинаида Сектяева үлэлииллэр. ✅ Баартыйалартан анал байыаннай дьайыы кыттыылааҕа Иннокентий Попов, Егор Протопопов, уопсастыбаннай балаататтан Поликарп Билюкин, Анисья Яковлева итиэннэ полиция үлэһитэ Владимир Флегонтов быыбар хаамыытын кэтээн көрөллөр. 🔹 Нэһилиэккэ уопсай испииһэгинэн 262 быыбардааччы баар. Быыбар бастакы күнүгэр бастакынан нэһилиэк баһылыга Николай Матчитов уонна Александра Билюкина куоластаатылар. Маҥнайгы күн түмүгүнэн (50,38 %) 132 киһи Конституциянан быраабын туһанан куоластаан, улууска нэһилиэк бастыҥнар кэккэлэригэр сылдьар. Кинилэр истэригэр аҕам саастаах ытык кырдьаҕастар, анал байыаннай дьайыы кыттыылаахтара, кинилэр төрөппүттэрэ, тэрилтэ үлэһиттэрэ, эдэр ыаллар кытыннылар. Алтан уопсай үөрэхтээһин оскуолатын кэлэктиибэ биир киһи курдук тутуспутунан кэлэн 100 %, маҥнайгы күн куоластаатылар. 🔹 Учаастакка кэлэр кыаҕа суох 20 аҕам саастаах, доруобуйаларынан хааччахтаах быыбардааччыга дьиэлэригэр куоластааһын тэриллэр. Маҥнайгынан ытык кырдьаҕас, сэрии сылын оҕото Попова Зоя Павловна дьиэтигэр куоластаата. 🔹 Бүгүн, быыбар иккис күнүгэр, күнүс 14 чааска диэри быыбардаабыт киһи ахсаана 153 буолла. Бу курдук Алтан нэһилиэгин олохтоохторо куоластааһыҥҥа көхтөөхтүк кытталлар. @gazetaerkeii @ulusmedia
Открыть в MAX- Просмотры
- 540
- ER
- 2,2%
- Реакции
- 12