Пост канала
🏫 «Кэрэли» эбии үөрэхтээһин киинигэр кэнчээри ыччат сайдар 👧🏻👦🏻 Сайдыылаах аныгы үйэ төрөппүттэрэ кэнчээри ыччаты олоххо бэлэмнээх, эргиччи дьоҕурдаах гына иитэргэ дьулуһаллар, талба талааннарын арыйарга кыһаллаллар. Кэм барыта үтүө-мөкү өрүттээх, тэҥнии тутар туспа уратылаах. Ол эрээри, кэтээн көрдөххө, билиҥҥи кэм оҕолоро, куйаар ситимин үйэтигэр Аан дойдуну ытыстарыгар тутан олорон түргэн тэтимнээх олоҕу кытта тэҥҥэ сайдаллар, сырдык-ыраас эйгэҕэ дьулуһаллар. 👧Үөрэхтээһин тиһигэр сүрүн билиини биэрии таһынан, оҕо талаанын арыйыыга, дьоҕурун сайыннарыыга улахан болҕомто ууруллар. Майа сэлиэнньэтигэр уопсайа 70 кэриҥэ араас хайысхалаах куруһуоктар, устуудьуйалар, дьарыктар эбии үөрэхтээһин хайысхатынан ситимнээхтик үлэлииллэр. 🎨 М.К. Попова аатынан Майатааҕы оҕо ускуустубатын оскуолатыгар, Д.Ф. Ходулов аатынан норуот айымньытын дьиэтигэр, «Кыталык» эстетическэй, «Кэрэли» эбии үөрэхтээһин кииннэригэр, «Манчаары» комплекска успуорт оскуолатыгар, идэҕэ туһулуур үөрэтэр-производственнай кииҥҥэ, ону таһынан оскуолаларга араас дьарыкка оҕолор уһуйуллаллар. 🕺💃 Бүгүҥҥү балаһабыт ыалдьыттарынан «Кэрэли» эбии үөрэхтээһин киинин Майа сэлиэнньэтигэр үлэлиир илиинэн айан-тутан, оҥорон таһаарар хайысхалаах куруһуоктара буолаллар. Куйаар ситимэ, төлөпүөн бар дьон, оҕо аймах өйүн-санаатын, олоҕун баһылаабыт үйэтигэр илиинэн айыы-тутуу, иистэнии, уруһуй эргиччи туһалаах дьарык буолар. Оҕо илиитинэн үлэлиирэ мэйиитин, толкуйдуур дьоҕурун сайыннарара биллэр. Уруһуйдуур, иистэнэр оҕо айар талаана аһыллар, үлэлииргэ үөрэнэр. «Кэрэли» эбии үөрэхтээһин киинигэр декоративнай-прикладной хайысхаҕа Валерия Судико хайысхалаах уруһуйга уһуйар «Мир красок», Мария Ефимова «Полимернай туой», Татьяна Яковлева «Керамика», Александра Уваровская «Кыл, сиэл», Екатерина Осипова баайыы куруһуоктара, Евдокия Стручкова «Ай-тик» муода устуудьуйата таһаарыылаахтык үлэлииллэр. Сиһилии ⬅️ @gazetaerkeii @ulusmedia
Открыть в MAX- Просмотры
- 583
- ER
- 2,2%
- Реакции
- 13