Пост канала
🍎🍂 Догдоҥоҕо - «Күһүн мичээрэ» 🍓Догдоҥо нэһилиэгэр «Күһүн мичээрэ» диэн ааттаах сылын аайы ыытыллар нэһилиэк олохтоохторун күһүҥҥү дьаарбаҥката буолан ааста. 🎤 Үөрүүлээх тэрээһини олохтоох култуура киинин дириэктэрэ Иванова Айталина Дмитриевна көмүс күһүн кэлбитинэн эҕэрдэ тылы этэн арыйда. Нэһилиэк олоҕор көхтөөх кыттыыны ылар дьоммутугар махтал суруктары туттарда. Кырачаан ырыаһыт кыыспыт Догдоҥо оскуолатын 2 кылааһын үөрэнээччитэ Сайнаара Попова «Матушка земля» ырыаны ыллаан дьон-сэргэ сэҥээриитин ылла. «Догдоҥо дорҕоонноро» айар түмсүү салайааччыта Светлана Иванова-Намыына көмүс күһүҥҥэ анаммыт хоһооннорун бэлэх уунна. Ырыа куттаах Анатолий Иванов гитаранан доҕуһуоллаан иэйиилээх ырыаларын бэлэхтээн тэрээһини киэргэттэ. 👒 Бу күн олохтоохтор «Күһүҥҥү сэлээппэ», «Кэрэ күһүҥҥү гирлянда», «Күһүҥҥү дьүһүйүү» куонкурустарга көхтөөхтүк кытыннылар. 🍒 Түөлбэлэр икки ардыларыгар күрэхтэһиигэ «Дьулуур» түөлбэ (сал. Скрыбыкина Октябрина Николаевна) баай сандалы остуолу бэлэмнээннэр «Дэлэй астаах сандалы» анал аакка тигистилэр, күһүҥҥү фотозона куонкуруһугар бастыыр үөрүүтүн биллилэр. «Эрэл» түөлбэ (сал. Григорьева Марта Реворьевна) «Кэрэ көстүүлээх сандалы», ону тэҥэ «Дьүөрэ таҥастаах түөлбэ» анал ааты ыллылар. 💌 Көхтөөхтүк кыттыбыт, кыайыы кынаттаммыт түөлбэлэрбит анал аат аайы иккилии тыһыынча суумалаах туоһу суруктарынан бэлиэтэннилэр. Сиһилии ⬅️ @gazetaerkeii @ulusmedia
Открыть в MAX- Просмотры
- 566
- ER
- 1,6%
- Реакции
- 9