Пост канала
🪓 Улуус эр дьоно Майа алааһын тула 10 килэмиэтир уһуннаах күрүөнү туруордулар 🛠️ Бүгүн, балаҕан ыйын 11 күнүгэр, Майа алааһын күрүөлээһинин түмүктүүр улахан субуотунньук буолла. 🪚 Үлэ бырааһынньыгар улуус нэһилиэктэриттэн эр дьон түмсэн, хаалбыт 1 км 30 м усталаах кэрчиги күн аҥаарынан бүтэрдилэр. Ити курдук 3 сыл иһигэр күүстээх, сомоҕо үлэнэн 200 гектар иэннээх сиргэ уопсайа 10 килэмиэтирдээх бөҕө-таҕа күрүөнү туруордулар. 💪🏼 Көхтөөх үлэ күнүгэр сынньалаҥҥа хапсаҕайдаан сэргэхсийэн, күһүҥҥү халлаан анныгар, алаас сибиэһэй салгыныгар итии астаах остуолга үссэнэн, таһаарыылаах үлэттэн сүргэлэрэ көтөҕүллэн, астынан тарҕастылар. 🗣 Дмитрий Тихонов, улуус баһылыга: – Ырыаҕа ылламмыт, хоһооҥҥо хоһуллубут Майабыт алааһын, эбэбитин күрүөлүүр түмүк түһүмэх үлэбитин түмүктээтибит. Бу үлэбитин 3 сыллааҕыта саҕалаабыппыт. Бүгүн хас биирдии нэһилиэктэн уолаттарбыт кэлэннэр, бэйэлэрин баҕа өттүлэринэн үлэни өрө тутан, бүтэрдибит. Эбэбит күрүөтэ-хаһаата суох, оттонор-оттоммот, туттуллар-туттуллубат, мэччирэҥ быһыытынан туһалыы турбута. «Чүүйэ» МУП-ка сыһыараммыт, үлэбитин былааннаан, быһаарыныы ылынан күрүө остуолбаларын субуотунньугунан бэлэмнээн саҕалаабыппыт. Өр соҕус эрээри, барыта былаанынан, түһүмэх-түһүмэҕинэн бэрт үчүгэйдик бары кыттыһан үлэлээтибит диэн улаханнык астынабыт. Сүрүн сыалбыт-сорукпут – дьоммутун-сэргэбитин аһатар улахан тэрилтэбит бэйэтин дьиэтин таһыттан отун булунарыгар бу улахан ытык эбэбитин туһаныахтаахпыт диэн тэрилиннэ. 200 гектар иэннээх сиргэ эбии аһылыкка 80 гектар иэннээх бурдук (сиилэс) ыһар бааһыната хорутулунна. Саха омуга былыр-былыргыттан бэргэн этиилээх, өс хоһоонноох: иитэр сүһүөнү күрүөлээн, төрүүр оҕону төлкөлөөн, үлэлээн-хамсаан олоруохха диэн. Онуоха биһиги өбүгэлэрбит эппит бэргэн этиилэригэр олоҕураммыт, ис хоһооно улахан суолталааҕын өйдөөн тураммыт, бүгүн бары күргүөмүнэн үлэлээммит-хамсааммыт, кэнчээри ыччаппыт туһугар бары бииргэ буолуохтаахпыт диэн өйдөбүлүнэн үлэбитин түмүктээтибит. Сиһилии уонна элбэх хаартысканы БУ СИГЭНЭН киирэн билсиҥ ◀️ @gazetaerkeii @ulusmedia
Открыть в MAX- Просмотры
- 1 012
- ER
- 2,5%
- Реакции
- 25