Пост канала
🏫 Майа аҕыс кылаастаах оскуолата турбут миэстэтигэр өйдөбүнньүк бэлиэни арыйдылар 📚 Майа сэлиэнньэтигэр Майа аҕыс кылаастаах оскуолата турбут миэстэтигэр өйдөбүнньүк бэлиэни үөрүүлээх быһыыга арыйдылар. 🌏 Устуоруйа чахчылара кэпсииринэн, Майаҕа оройуон үөрэҕириитин тиһигин иһинэн 1962 сыллаахха Майа аҕыс кылаастаах оскуолата тэриллэн, 1993 сыллаахха диэри үгүс ыччаты билиигэ-көрүүгэ үөрэппитэ. Араас сылларга 8 кылаастаах, онтон Майа ситэтэ суох орто оскуолата, кэлин Майа иккис нүөмэрдээх орто оскуолата диэн ааттаммыта. Оскуолаҕа араас омук оҕолоро сэбиэскэй интернационализм тыыныгар иитиллибиттэрэ. Уопсайа 10 тыһыынчаттан тахса үөрэнээччи үөрэх кыһатын бүтэрбитэ. 👩🏫 Бэлиэ түгэҥҥэ оҕо-ыччат туһугар үлэлээн ааспыт, үөрэх-билии аартыгын арыйбыт оччотооҕу учууталлар, бэтэрээн педагогтар кыттыыны ылан үтүө тылынан ахтан-санаан аастылар. Өйдөбүнньүк бэлиэ Майа аҕыс кылаастаах оскуолатыгар омук тылын учууталынан уонна дириэктэри үөрэх чааһыгар солбуйааччынан үлэлээбит Дария Санникова көҕүлээһининэн оскуола турбут миэстэтигэр, билигин Майатааҕы кииннэммит бибилэтиэкэ дьиэтин эркинигэр туруорулунна. @gazetaerkeii @ulusmedia
Открыть в MAX- Просмотры
- 625
- ER
- 2,6%
- Реакции
- 16