Пост канала
🏫 «Үөрэҕирии – түөлбэ сайдыытын төрүтэ» учууталлар балаҕан ыйынааҕы сүбэ-мунньахтарыгар 📖 Майа сэлиэнньэтигэр «Үөрэҕирии – түөлбэ сайдыытын төрүтэ» балаҕан ыйынааҕы сүбэ-мунньах саҕаланна. Үөрэҕирии үлэһиттэрин кэнчээри ыччаты иитии, үөрэтии сардаҥалаах суолун тускулуур киэҥ хабааннаах мунньахтара балаҕан ыйын 9 – 10 күннэригэр ыытыллар. 🛜 Сүбэ-мунньахха улуус баһылыга Дмитрий Тихонов, СӨ үөрэҕин уонна билимин миниистирэ Нюргуна Соколова, Ил Түмэн дьокутааттара Андрей Находкин, Захар Никитин, Үөрэх сайдыытын уонна идэ таһымын үрдэтэр институт уопсастыбаннай сибээскэ салаатын салайааччыта Дария Санникова, о.д.а. кытыннылар. 📚 Бастакы күҥҥэ В.П.Ларионов аатынан Майа орто оскуолатыгар саҥа үөрэх сылын сайдар суолун торумнуур “төгүрүк остуол”, «Саҥаны бил», «Оҥор», «Сайыннар», «Бииргэ үлэлэс» тректэринэн түөрт хайысхалаах үлэ түһүлгэлэрэ, пленарнай мунньах тэрилиннэ. Хайысхаларынан көдьүүстээх көрдөрүүлээх, айымньылаах үлэлээх уопуту үллэстии кэпсэтиһиитигэр үөрэх тэрилтэлэрин ситиһиилээх бырайыактарын сырдаттылар. 📝 Бэлиэ күн иитинэн суруналыыс Олег Колесов – Талбан араатар маастарыстыбатыгар, СӨ Ил Дарханын иһинэн үлэлиир Инновация менеджменин үрдүкү оскуолатын доцена Владислав Окороков – учуутал үлэтигэр оҥоһуу өй көмөтүгэр, СӨ Идэлээх сойуустарын федерациятын бэрэссэдээтэлин солбуйааччы Ирина Бурцева – тус бренд уонна кэпсэтиһии маастарыстыбатыгар, бизнес-инкубатор дириэктэрэ Ольга Степанова, Урбаан киинин исписэлииһэ Зоя Егорова хорутуулаах үлэни түстүүр маастар-кылаастары ыыттылар. 🍎🥬 Кэнчээри ыччаты үлэнэн иитии саргылаах суолун түстүүр «Урожай – 2026» дьаарбаҥка ыытылынна. Оҕуруот аһынан, сүөһүнү, көтөрү иитиинэн, эмтээх отунан дьарыктанар агро-оскуолалар, айымньылаах үлэһиттэрдээх уһуйааннар көхтөөхтүк кытыннылар. Сиһилии уонна элбэх хаартысканы БУ СИГЭНЭН киирэн билис ⬅️ @gazetaerkeii @ulusmedia
Открыть в MAX- Просмотры
- 624
- ER
- 1,9%
- Реакции
- 12