Пост канала
🏭 Оттук кэмэ балаҕан ыйын 9 күнүттэн саҕаланыаҕа 🔨🚰 Майа сэлиэнньэтигэр 2026-2027 сс.кыстыкка бэлэмнэнии хаамыытын, эбийиэктэргэ итиини биэрии болдьоҕун туһунан билсэ «Олох-дьаһах, хомунаалынай хаһаайыстыба» ГУТ Мэҥэ Хаҥаластааҕы филиалыгар сырыттыбыт. 10 тыһыынча кэриҥэ нэһилиэнньэлээх сэлиэнньэ эбийиэктэрэ үүнэр кыстыкка сылааһынан, уунан хааччыллалларыгар туох үлэ бара турарын «Теплоснаб» учаастагын ыстаарсай маастара Павел Ионович Цыпандин кэпсээтэ. 🛠️ Павел Цыпандин: – Сыллата оттук кэмигэр бэлэмнэнии үлэбитин саас саҕалыыбыт. Кулун тутар, муус устар, ыам ыйыгар «Мелиорация», «Лесопуун», «Спортивнай-чэбдигирдэр киин», «Кыбартаалынай», «Баанньык», «Майатехснаб», «РИК», «Гостиница» хочуолунайдар хочуолларын 100% өрөмүөннээтибит. Билигин ититии, уу ситимнэригэр эргэрбит турбаларын уларытыы, тыйыс тымныыны тулуйарыгар бүрүйүү, бөҕөргөтүү үлэтэ бара турар. «Мелиорция» хочуолунай уутун хаачыстыбатын тупсарарга «Саха Фильтр» ХЭТ саҥа фильтрин туруоруохпут. Суолу туорааһыҥҥа Алданскай уулуссаҕа уонна Ф.Г.Охлопков аатынан Майа орто оскуолатын кэннигэр компенсатор туруордубут. Оттук кэмин, сыл аайы буоларын курдук, балаҕан ыйын 9 күнүгэр сылааһы биэрэн саҕалыырга үлэни ыыта сылдьабыт. @gazetaerkeii @ulusmedia
Открыть в MAX- Просмотры
- 584
- ER
- 2,2%
- Реакции
- 13