Пост канала
☀️🌈 «Сайыҥҥы сынньалаҥмыт туһалаахтык ааста» 🎒 Алтан чуораан аргыстаах, билии-көрүү көтөллөөх көмүс күһүммүт күлүмнүү үүннэ. Оҕо саас умнуллубат түгэнин – самаан сайын сынньалаҥын дуоһуйа атаарбыт оҕолор саҥа үөрэх сылыгар долгуйа бэлэмнэнэллэр. 🔔 Елена Николаевна Ильина салайааччылаах В.П. Ларионов аатынан Майа орто оскуолатын 2 «а» кылааһын доҕордуу кэлэктиибэ 27 үөрэнээччилээх. Саҥа үөрэх дьыла саҕаламмытынан үөрэнээччилэр сайыҥҥы сынньалаҥнарын хайдах атаарбыттарын туһунан санааларын үллэстэллэр. 🦋 Алгыс Ильин: Киһи хас бирдии сайыны туһалаахтык атаарыахтаах дии саныыбын. Бу сайын биһиги дьиэ кэргэммитигэр ураты сайын буолла. Балтыбынаан Уйгулааналыын Дьокуускай куоракка аймахтарбытын кытары билсиһэр тэрээһиҥҥэ сырыттыбыт. Эбэм Наталья Владимировна аймахтарын кытта билистибит. Саамай интэриэһинэйэ — эбэбит өттүнэн үгүс талааннаах аймахтардаах, дириҥ ис хоһоонноох төрдүлээх эбиппит. 🌊 Айар Масаха: — Быйыл миэхэ олус кэрэхсэбиллээх сайын буолан ааста. «Кэрэли» эбии үөрэхтээһин киинин туойтан оҥоһуктары оҥорорго үөрэтэр «Керамика» диэн күнүскү лааҕырга сырыттым. Туойунан араас оҥоһуктары дьүһүйэн таһаарар олус интэриэһинэй эбит. Олус куйаас, сылаас сайын буолан күөлэһийэ сөтүөлээтим. СӨ биллэр бэлиитигэ, абаҕам Ф.Г.Охлопков төрөөбүтэ 90 сылыгар аналлаах Ходоро нэһилиэгин үрүҥ тунах ыһыаҕыгар уонна Дьокуускай куоракка Туймаада ыһыаҕыгар алгыс ылан кэлбиппит. 🌼 Тайаана Старостина: — Мин сайыны олус сөбүлүүбүн. Хорообукка эбэлээх эһэбэр сынньанарбын туохтааҕар да астынабын. Итии күннэргэ Суола үрэх сылаас уутугар дуоһуйа сөтүөлээтим. Минньигэстэй хаптаҕаһы үргээн дьоммор көмөлөстүм. Биир саамай умнуллубат түгэмминэн бэлэсипиэт тэбэргэ үөрэммитим буолла. Инньэ гынан, сайын устата оҕолору кытта бэлэсипиэтинэн хатааһылаатым, доҕордостум. Сиһилии ⬅️ @gazetaerkeii @ulusmedia
Открыть в MAX- Просмотры
- 604
- ER
- 2,2%
- Реакции
- 13