Пост канала
👍 «Бары күүспүтүн түмэммит» диэн улахан субуотунньук саҕаланна ✅ Балаҕан ыйын 2 күнүттэн «Дьол түһүлгэтэ» уопсастыбаннай киин үлэтэ кыстыкка бэлэмнэнэр субуотунньуктан саҕаланна. 🤝 Майа сэлиэнньэтин баһылыга Алексей Неустроев, Майатааҕы «Түмэн» уопсастыбыннай холбоһук салайааччыта Мария Лукина уонна "ОДьКХ" ГУТ Мэҥэ Хаҥаластааҕы филиалын иһинэн "Теплоснаб" учаастагын ыстаарсай маастара Павел Цыпандин сүбэлэһэннэр «Бары күүспүтүн түмэммит» диэн улууспут дьоно-сэргэтэ араас таһымнаах тэрээһиннэрин ыытар ытык дьиэтигэр улахан үлэни тэрийдилэр. ❗️ Мария Лукина: – Быйыл кыһын тоҥон турбут кииммит үлэтин сөргүтэр улахан тэрээһини саҕалаатыбыт. Бастакы күҥҥэ «Бары күүспүтүм түмэммит» субуотунньукка сомоҕолоох Майабыт тэрилтэлэриттэн – олохтоох дьаһалта, «Сардаана» оҕо уһуйаана, улуустааҕы баайы-дуолу салайар уонна сиргэ сыһыан кэмитиэтэ, нэһилиэнньэ социальнай көмүскэллээх буолууга кэлим киинин, үөрэтэр-оҥорон таһаарар киин, Р.Г.Васильев аатынан улуустааҕы кыраайы үөрэтэр түмэл, баһаарынай чаас уонна В.П.Ларионов аатынан Майа орто оскуолын, И.Г.Тимофеев аатынан Майатааҕы лиссиэй сүрэхтээх, көхтөөх үлэһит дьоно кэллилэр. Маныаха «Майа фирма» салайааччыта Оксана Иванова уонна улууспут Ил Түмэҥҥэ дьокутааттара Олег Марков, Тихон Скрябин үбүнэн кылааттарын киллэрдилэр. Павел Цыпандин кэлэктиибин кытта киинтэн ититии ситимин толору босхо холбоон биэрэн биһигини олус улаханнык үөртэ, долгутта. Билигин дьиэ истиэнэтин ханаппаакылааһына, буор кутуута бара турар, – диэн иһитиннэрдэ. @gazetaerkeii @ulusmedia
Открыть в MAX- Просмотры
- 567
- ER
- 2,8%
- Реакции
- 16