Пост канала
- фото
Эргэни-урбаны ыраастаан, мааны Майабытын өссө тупсарыаҕыҥ 🌳 Кэнники сылларга таптыыр Майабыт быдан тубуста, уларыйда. Кэлбит, көрбүт ыалдьыттар, дьон бары да хайгыы көрөр, сөҕөр буолла. Болуоссаттар, искибиэрдэр, уулуссалар тупсарыллаллар. Дьон сылдьарыгар, сынньанарыгар табыгастаах усулуобуйа олохтонор. 🏡 Өссө да улаатыа, тупсуо турдаҕа. Ол гынан баран ыраас, мааны Майаны эргэ, көтүрүллэ илик дьиэлэр, эбийиэктэр буортулууллар диэн көрөбүн. Өрөспүүбүлүкэтээҕи Амма тыраассатынан төһөлөөх элбэх киһи, ыалдьыт айаннаан ааһара буолуой? Ону тэҥэ бэйэбит чугас эргиннээҕи нэһилиэктэрбит кэлэллэр-бараллар. Бу хаартыскаларга көстөр ханнык дьиэлэр буолалларын бары бэркэ билэбит. Маннык туруктаах турбуттара сорохторо хас эмэ уонунан сыл буолан эрэллэр. Хобдох көстүү. Бу дьиэлэр хаһаайыннаахтара буолуо, тоҕо кыһамматтара буолла диэн санаа үүйэ-хаайа тутар. Эргэ бэкээринэ көтүрүллүбэт буоллаҕына түннүгүн сабыталаан, дьиэ таһын хомуйан ыраастаан, күрүөлээн кэбистиннэр. Промкэмбинээт урукку хонтуората көтүрэргэ сөп буолла. Субуотунньук күүҺүнэн да кыайыахха сөп. 🏗 «Хаарбах дьиэттэн көһөрүү» бырагырааманан саҥа дьиэлэргэ барбыт кыбартыыралартан хаалбыт эргэ дьиэлэр билигин да хас да дьиэ көтүрүллүбэккэ тураллар. Майабыт килбэйэр киинигэр «60-наах» диэнинэн биллэр биэс этээстээх дьиэ эмиэ көтүллүбэккэ барыаран турара олорбут дьоҥҥо хомолтолоох көстүү. Сөптөөх дьаһалы ылыахтара диэн эрэниэҕи баҕарыллар. 🌿 Биир сүрүн кыһалҕалаах боппуруос ‒ уопсастыбаннай туалеттары тэрийэргэ уолдьаста. Майаҕа наадаларыгар кэлбит, олохтоох да дьон сылдьарыгар табыгастаах усулуобуйаны олохтуоҕуҥ диэн этиилээхпин. 🙌🏼 Майабыт тупсарын туһугар бары кыһаныахтаахпыт, сырдык, ыраас буоларга дьулуһабыт. Дмитрий ТИТОВ, Майа. @gazetaerkeii @ulusmedia
Открыть в MAX- Просмотры
- 582
- ER
- 3,3%
- Реакции
- 19