Пост канала
- фото
📝 Суруналыыс идэтин баһылыан баҕарааччыларга 💻 Максим Аммосов аатынан Хотугулуу-Илиҥҥи федеральнай университекка приемнай хампаанньа түмүктэнэн эрэр. Бюджет миэстэтигэр киирбит абитуриеннар ааттара номнуо билиннэ. Үөрэххэ киирии туһунан бирикээстэр тахсыталаан эрэллэр. Улуус.медиа ыйытыыларыгар ФЛФ суруналыыстыка кафедратын сэбиэдиссэйэ Олег Сидоров хоруйдуур. — Биһиги хайысхабытынан бакалавриакка киирбит абитуриеннар ааттара биллэр. Бу бюджекка. Маны сэргэ быйыл ХИФУ-га коммерческай төрүккэ олоҕуран «Суруналыыстыка» хайысхатыгар бакалавриат программатынан докумуоннары тутуу атырдьах ыйын 20 күнүгэр диэри салҕанар. Ити күн абитуриеннар айар үлэлэринэн эбэтэр эссе суруйан кэпсэтии (собеседование) ааһыахтара. Маны быһаччытык айар үлэҕэ кыаҕы тургутуу (творческай экзамен) диэн ааттыыбыт. Быйыл коммерческай үөрэххэ 8 эрэ миэстэ көрүлүннэ. Мантан салгыы төлөбүрдээх киириэн баҕалаах оҕолорго анаан усулуобуйаны билиһиннэрэбит. Онуоха туох нааданый? ✔️мБүтүн кэлим экзамен (ЕГЭ) бааллара: — Нуучча тыла (минимальнай ахсаан-40); – Литература (минимальнай ахсаан-40). ✔️ Айар тургутуу, ол эбэтэр айар үлэлэр, эссе суруйуута уонна кэпсэтии (собеседование) (минимальнай ахсаан – 60 баал). ✔️ Үөрэх сыаната абитуриент баалын уопсай ахсааныттан тутулуктаах. Холобур, баал уопсай ахсаана 160 буоллаҕына, үөрэх төлөбүрэ сылга 230 тыһыынча солкуобай; 200 баалы ылбыт буоллаҕына, сыаната 216 тыһыынча солкуобай буолуоҕа. Киириигэ биир семестр, ол эбэтэр суумма аҥара төлөнөр. Суруналыыс идэтин баһылыан баҕарар оҕолору күүтэбит: Дьокуускай к., Кулаковскай уул., 42, Сүрүн үөрэх корпуһа, 2 этээс, 231 каб. Телефонунан билсиэххитин сеп: 8 (4112) 496668. Үлэлиир кэмэ: 10: 00-17: 00. @gazetaerkeii @ulusmedia
Открыть в MAX- Просмотры
- 551
- ER
- 1,1%
- Реакции
- 6