Пост канала
- видео, фото
☀️🌳 Лэбийэҕэ, аҕабыт алааһыгар 🌿 Сылга биирдэ дойдубар Баатара Сыымаҕар баран кэлэбин. Ол тиийдэхпинэ хайаан да Лэбийэҕэ – аҕабыт алааһыгар сылдьан, салгынынан тыынан, күүс-сэниэ эбинэбин. 🌳 Быйыл да ол курдук буолла. Балтым Галина Петровна Борисова көҕүлээһининэн алааспытыгар Лэбийэҕэ аҕабыт ампаарын иннигэр төрөппүттэрбит Варвара Николаевна, Петр Елисеевич, аҕабыт бииргэ төрөөбүт быраата Семен Елисеевич уонна кини кэргэнэ Татьяна Петровна Варламовтар сырдык кэриэстэригэр анаан өйдөбүнньүк билиитэ туруордубут. Дьиҥинэн, былырыын Улуу Кыайыы 80 сылыгар туруоруохтаах этибит. Ону күһүҥҥү сис ардахтар мэһэйдээннэр, кыайан мустубатахпыт. Нууччалардыы, «лучше поздно, чем никогда» диэн баран быйыл сайын олоххо киллэрэн сыалбытын ситтибит. 🌟 Биһиги аҕабыт П.Е.Варламов сэрии сылларыгар 20-с кондепо байыаһа этэ. Сэрии иннинэ уонна кэнниттэн уонтан тахса сыл Ааллаах Үүҥҥэ таһаҕаска сылдьыбыта. Ийэбит В.Н.Варламова тыыл, үлэ бэтэрээнэ этэ. Сэрии сылларыгар харытын ньыппарынан туран үлэлээбит саха «Өкүлүүннэриттэн» биирдэстэрэ. Аҕабыт быраата С.Е.Варламов сэрии, үлэ бэтэрээнэ этэ. Орел куораты көмүскээһиҥҥэ ыараханнык бааһыран сытан ньиэмэс билиэнигэр түбэһэн, Дахау концлааҕыр эрэйин-муҥун этинэн-хаанынан билбитэ. Кини кэргэнэ, саҥаспыт Т.П.Варламова эмиэ тыыл бэтэрээнэ. 🎵 Варламов аймахтар, оҕолуун-уруулуун 50-тэн тахса киһи мустаммыт, дьоммутун ахтан-санаан аастыбыт, оонньоон-көрүлээн ыллыбыт, ыллаатыбыт-туойдубут. Дьэ ол кэнниттэн эдьиийбит Настаа хатыҥнарыгар тиийэн хаартыскаҕа түстүбүт, «Аҕам алааһа» ырыатын ыллаатыбыт. Бу ырыа биһиги аймах гимнинэн буолбута ыраатта. Эдьиий Настаа балаҕана кэлбит ыалдьыттарга аана аһаҕас. Ол чааһыгар балтыбыт Галина Петровна мэлдьитин кыһаллар. Балаҕан иһэ уурбут-туппут курдук: барыта бэрээдэк. Эдьиийбит туттубут маллара, сүгүрүйээччилэрин бэлэхтэрэ, сахалыы иһиттэрэ саас-сааһынан дьаарыстанан турар. Этэргэ дылы, манна киирэммит эдьиийбитин кытта көрсүһэр, кэпсэтэр курдукпут! 🙌🏼 Сахам дьоно, эдэр ыччаттар, аҕаҕыт алааһын умнумаҥ, куруук кэлэн өйдөөн-санаан ааһыҥ, күүстэ-күдэхтэ ылыныҥ! Елена Прокопьева. @gazetaerkeii @ulusmedia
Открыть в MAX- Просмотры
- 523
- ER
- 2,3%
- Реакции
- 12