Пост канала
- фото
🫴 Хабылыгы, хаамысканы успуордунан дьарыктанар оҕо барыта сатыахтаах 🤝 Соторутааҕыта Дьаҥхаады нэһилиэгэр дьарыкка сылдьар оҕолорго хабылыкка, хаамыскаҕа үөрэх ыытан кэллибит. 🎲🥢 Дьарык салайааччыта, СӨ хотугулуу дэгит күрэс успуордун маастара, эдэр энтузиаст-тириэньэр Темир Сыдыкбеков 30 оҕону бэйэтин тула түмэн икки нэдиэлэ устата саха төрүт успуорт көрүҥнэрин кытары билиһиннэрэр, үөрэтэр, көрдөрүүлэрин тупсарарга санаатын ууран туран дьарыктыыр эбит. Оҕолор сахалыы остуол оонньууларын эмиэ билиэхтээхтэр, сатыахтаахтар диэн санаанан салайтаран маннык үөрэҕи тэрийдэ. Сиэннэрбинээн Лера Сергеевалыын (Бэдьимэ), Алёна Поповалыын (Дьокуускай) хабылык, хаамыска араас таһымнаах оонньууларын көрдөрдүбүт, үөрэттибит. Оҕолор интэриэһиргээн холонон көрдүлэр, илии тарбахтара киһи доруобуйатын барытын салайалларын өйдөөтүлэр, бириэмэҕэ эмиэ оонньоон көрдүлэр. Хабылык, хаамыска хамсаныыта олус сымса, түргэн толкуйдаах, имигэс илиилээх буолары ирдиирин биллилэр. ✊🏼 Үөрэх түмүгүнэн саха төрүт көрүҥнэрин сайыннарыыга федерациялар бииргэ үлэлэһэргэ сүбэлэстибит. Ыстаҥа арааһа, тутум эргийии, кириэс тэбии курдук күүстээх төрүт көрүҥнэрбитин кытта тэҥҥэ оҕолор хабылыгы, хаамысканы сатыахтарын наада. @gazetaerkeii @ulusmedia
Открыть в MAX- Просмотры
- 464
- ER
- 2,4%
- Реакции
- 11