Пост канала
- фото
🌕 Бүгүн, алтынньы 26 күнүгэр, ый толору туолуута (полнолуние) буолла. Бүгүн ыйбыт ордук чаҕылхай уонна улахан буолан көстөр, астрономияҕа уонна норуот номоҕор «Булчут ыйа» диэн ааттаах. Туолбут ый дьикти кэмэ — саха итэҕэлигэр, айылҕаны кытта сибээһигэр уонна киһи ис туругар улахан оруоллаах. Сахалар былыр-былыргыттан ый хаамыытын, ордук кини туолар кэмин кэтээн көрөллөрө. Ый туолар кэмигэр киһиэхэ ис күүс-уох муҥутуур уһугар тиийэр. Киһи ис туруга долгуйуон, уйулҕата хамсыан сөп. Туолбут ый кэмигэр төрөөбүт оҕону ураты дьылҕалаах, күүстээх куттаах-сүрдээх диэн сыаналыыллара. Сири-дойдуну кытта сибээс күүһүрэр кэмэ буолан, бу кэмҥэ аһары улахан айдаана, этиһиитэ суох сылдьарга, ис санааны ыраастыырга кыһаллаллара. 📸Нюргуяна Аргунова @channel_gazetaensieli
Открыть в MAX- Просмотры
- 620
- ER
- 1,9%
- Реакции
- 12