Пост канала
- фото, видео
🎶 Кэрэ эйгэ долгунугар Афанасий Шестаков аатынан улуустааҕы норуот айымньытын дьиэтэ үбүлүөйдээх 70-с айар сезонун бу киэһэ арыйда. Бу сылга норуот айымньытын дьиэтин тэрийиитинэн биэс хайысхалаах: ырыа, үҥкүү, театр, фольклор, декоративнай-прикладной искусство салааларынан 45 формированияны тэрийэн үлэлэтэллэр, онно 768 киһи дьарыктанар. Барыллаан ааҕыыларынан, бу сылга 852 тэрээһини ыыппыттар, онно 200 тыһ. тахса киһи сылдьыбыт. Бу киэһэ хайысхаларынан, кэрэ эйгэ долгунугар олорсон, алыптаах ырыа-үҥкүү арааһын көрдүбүт, иһиттибит. Ыалдьыттары алаадьынан, быырпаҕынан күндүлээтилэр. Киирии билиэттэринэн сыаналаах бириистэр оонньоннулар. Ол курдук, үс көрөөччү сүрүн бириистэри - А. Шестаков аатынан норуот айымньытын дьиэтин тэрээһиннэригэр сылы эргиччи босхо сылдьар билиэттэри сүүйдүлэр. Үбүлүөйдээх саҥа сезон чаҕылхай, ситиһиилээх буоллун! Дьон-сэргэ болҕомтотун тардан, сонун бырайыактары кэтэһэбит. @channel_gazetaensieli
Открыть в MAX- Просмотры
- 854
- ER
- 2,0%
- Реакции
- 17