Пост канала
Улууспут үөрэҕин эйгэтин үлэһиттэрин балаҕан ыйынааҕы сүбэ мунньахтара саҕаланна 📚 Бүгүн, балаҕан ыйын 8 күнүгэр, М.К. Аммосов аатынан культура дыбарыаһыгар Нам улууһун үөрэх эйгэтин үлэһиттэрин үгэс буолбут сүбэ мунньахтара саҕаланна. Быйыл бу улахан тэрээһин «Муниципальная система образования: от вызовов к результатам» диэн девизтээх ыытыллар. 9.00 чаастан тэрээһин бары былаһааккаларыгар кыттыылаахтары регистрациялааһын саҕаламмыта. Бу бириэмэҕэ үөрэх тэрилтэлэрин инновационнай былаһааккаларын улахан быыстапката турда. Кыттааччылар араас инновационнай бырайыактары, «НамЛето» оҕо лааҕырдарын үлэтин түмүгүн кытта билистилэр. Дьон болҕомтотун ордук робототехника, ракетомоделирование, БПЛА техническэй хайысхалаах бырайыактар ыллылар. Ону тэҥэ оскуолалар бизнес инкубатордарын оҥорон таһаарар продукциялара, грантовай бырайыактар презентациялара, эбии үөрэхтээһин педагогтарын мастерскойдара дьон биһирэбилин ыллылар. Н.С. Охлопков аатынан Намнааҕы гимнаҕия, Арбын орто оскуолата уонна "Сир симэҕэ" уһуйаан «Өбүгэ суолунан» педагогтарга кыраайы үөрэтэр оонньуу тэрийэн ыыттылар. Салгыы эбиэттэн киэһэ секцияларга араас хайысхаларынан арахсан семинардар, лекциялар, практикумнар, дискуссионнай былаһааккалар ыытыллыахтара. https://max.ru/channel_gazetaensieli
Открыть в MAX- Просмотры
- 632
- ER
- 1,7%
- Реакции
- 11