Пост канала
- фото
Убаастабыллаах Ленскэй нэһилиэк олохтоохторо уонна ыалдьыттара! Бүгүн – сэлиэнньэбит бэлиэ күнэ, тэриллибитэ 85 сылын бэлиэтиир. Ленскэй нэһилиэк күнүнэн олохтоох дьаһалта уонна депуттаттарын аатыттан истиҥ эҕэрдэ этэбин! Хас биирдиибит төрөөбүт, тапталлаах сирбит, бастакы хардыылары оҥорбут, төрөппүттэрбит олорор, оҕолорбут улаатар сирдэрэ. Ленскэй нэһилиэк – биһиэхэ күүс-уох, өрө көтөҕүллүүнү биэрэр төрүт сирбит буолар. Биһиги сэлиэнньэбит бүгүҥҥү күҥҥэ тэтимнээх олоҕу олорор. Уопсай олорор сирбит чэчирии сайдарыгар бэйэтин кылаатын киллэрэр бар дьоммутугар махтанабыт: тыа хаһаайыстыбатын үлэһиттэригэр, социальнай эйгэ үлэһиттэригэр, учууталларга, быраастарга уонна култуура эйгэтин үлэһиттэригэр; дьоҕус уонна орто урбаан бэрэстэбиитэллэригэр. Биирдиилээн махтал тыллары убаастабыллаах ветераннарбытыгар уонна аҕа көлүөнэбитигэр – кинилэр муударастарын, тыа сирин үөскэтиигэ сыаната суох кылааттарын иһин! Бырааһынньык күн бары олохтоохторго, ыалдьыттарга барыларыгар бөҕө доруобуйаны, муҥура суох күүстээх санааны, дьиэ кэргэн уйгутун, эйэни. Саҥа күн барыбытыгар үөрүүнү аҕаллын, былааннаммыт былааннар ситиһиилэнэн олоххо киирдиннэр. Сэлиэнньэбит сайда турдун! Петр Сокольников, Ленскэй нэһилиэк баһылыга
Открыть в MAX- Просмотры
- 705
- ER
- 2,4%
- Реакции
- 17