Пост канала
- видео
Ыраас уонна бэрээдэктээх буолууну инники күөҥҥэ тутуохха! Күндү Нам сэлиэнньэтин олохтоохторо, ыалдьыттара, Ньургун Тимофеев аатынан республикатааҕы Олимпийскай Эрэл спорт оскуолатын аатыттан саҥа үөрэх дьыла саҕаламмытынан эҕэрдэлиибит! Биһиги спорт дьиэбит, стадиоммут бүтүн нэһилиэнньэҕэ доруобуйа, чэгиэн-чэбдик дьиэтэ, былаһаакката буоларынан биллэр! Олорор сирбитигэр-уоппутугар спорт тутуулара баар буолалларын, тутуллан тахсалларын төһө өр сылларга ыра санаа оҥостон илдьэ сылдьыбыппытый, күүппүппүтүй?! КСК 12 сыл устата нэһилиэнньэ чөл туруктаах буоларыгар сулууспалыыр. Манна спорт үгүс көрүҥнэригэр эдэр спортсменнар иитиллэллэр, иитиллэн тахсаллар. Физическэй култуура үөрэхтэрэ, дьарыктара ыытыллаллар. Араас таһымнаах спортивнай-маассабай тэрээһиннэр буолаллар. Киэн туттар спортсменнарбыт, спорт ветераннара, спорду таптааччылар эрчиллэллэр. Бүгүҥҥү күҥҥэ спорт хайысхатыгар бастыҥ баараҕай дьиэбит ырааһы тутар, хааччыйар үлэһитэ суох дьону дьарыктыыр, көрсөр. Дьарыктанааччы дьоммут спорт эйгэтигэр бастыҥтан бастыҥы таһаарар, эрчийэр, дьарыктыыр сирбитигэр харыстабыллаахтык сыһыаннаһарга ыҥырабыт. Убаастабыллаах спортсменнар, спорду таптааччылар ырааһы, бэрээдэги бастакы кэрдиискэ туруоруохха! Сылаас күннэргэ үөрэх тэрилтэлэрэ үөрэнээччилэригэр тэрээһиннэри ыыталлар. Ол курдук, аан маҥнайгынан Намнааҕы 2-с нүөмэрдээх оскуола оҕолорунаан уонна төрөппүттэринээн “Доруобуйа Күнэ” маассабай тэрээһини үрдүк таһымҥа ыыппыттарын бэлиэтиибит. Сүүрүү-көтүү, күрэхтэһии кэнниттэн, биир киһи курдук стадиону олус ыраастык туттарбыттарын холобурга аҕалабыт. Баары харыстыахха, ыраастык тутта-хапта сылдьыахха. Газета Энсиэли
Открыть в MAX- Просмотры
- 646
- ER
- 3,6%
- Реакции
- 23