Пост канала
- видео
БЫДАН ДЬЫЛЛАРГА БЫРАҺААЙ..🙏🙏 Бу дьыл от ыйын 30 күнүгэр дойду, өрөспүүбүлүкэ, улууспут спордун холбоһуга ыар сүтүгү көрүстэ. Баара-суоҕа 55 сааһыгар көӈүл тустуу биллэр-көстөр тренерэ, ССРС спордун маастара Кирилл Спиридонович Павлов ууга былдьанан олохтон туораата. Кирилл Спиридонович Павлов 1971 сыллаахха кулун тутар 2 күнүгэр төрөөбүтэ. Көӈүл тустууга ССРС спордун маастара, физическэй культура уонна спорт үтүөлээх үлэһитэ этэ. Кини олоҕун эдэр спортсменнары иитиигэ анаабыта. Спорт оскуолатыгар көӈүл тустууга ыччаты уһуйан кэлбитэ. Биһиги кинини Сэбиэскэй уонна Россия таһымнаах тустуук, талааннаах оҕо тренерин быһыытынан билэбит. Бу күннэргэ Россия тустууга федерацията уонна көӈүл тустууга, греко-римскэй тустууга, дьахталлар тустууларын сүүмэрдэммит хамаандаларын спортсменнара, тренердэрэ Кирилл Спиридонович чугас дьонугар кутурҕаннарын тириэртилэр. Кини иитиллээччилэрэ, коллегалара, доҕотторо уопуттаах наставнигы эрэ буолбакка, олоҕун спорка уонна ыччаты, саӈа көлүөнэ чемпионнары иитиигэ анаабыт киһини сүтэрдилэр диэн дойду тустууга федерациятын иһитиннэриитигэр этиллэр. Видео: соц.ситим Газета Энсиэли
Открыть в MAX- Просмотры
- 726
- ER
- 4,7%
- Реакции
- 34