Пост канала
- фото
🪗 Россияҕа Култуура сылынан, Найахы кулуубугар өр сылларга дириэктэринэн үлэлээн, хоровой ускуустуба, култуура сайдыытыгар сүҥкэн кылаатын киллэрбит Илья Иванович Артамонов төрөөбүтэ 100 сылыгар аналлаах "Дойдуга махтал" диэн дьоро киэһэ Найахы олохтоохторун түмтэ. 📚Бибилэтиэкэр Айталина Готовцева, сынньалаҥ киинин уус-уран салайааччыта Анисия Гаврильева уонна оскуола үөрэнээччилэрэ Илья Ивановичка анаммыт дириҥ ис хоһоонноох быыстапканы кэпсээтилэр. 🎤 Киэҥ программалаах кэнсиэргэ Александра Трофимова, Станислав Луковцев дьүрүһүтэр музыкаларын, Дмитрий Готовцев, Александр Ушницкай, Евдокия Фомина, Наталья Бочкарева, Степанида Антонова ылбаҕай ырыаларын, артыыстар Матрена Готовцева, Мария Лебедкина, Михаил Яковлев, Евдокия Фомина, Дьулустан Гаврильев көрүдьүөс сценкаларын, Мария Лебедкина балтынаан Алена Гаврильевалыын уонна кэрэчээн кыргыттара Наталья Лебедкина, Анастасия Соловьева имигэс үҥкүүлэрин дохсун ытыс тыаһынан астына көрдүбүт. 👏 Найахыбыт талааннаах култуура ветераннарыгар, үлэһиттэригэр айар үлэҕитигэр ситиһиини, бар дьоҥҥо кэрэни-сырдыгы бэлэхтии, үйэлээҕи үксэтэ туруҥ, айа-тута үлэлээҥ, этэҥҥэ буолуҥ! ✍️ Светлана Петрова, бэтэрээн учуутал, Найахы @uamurusahargata @ulusmedia
Открыть в MAX- Просмотры
- 749
- ER
- 1,7%
- Реакции
- 13