Пост канала
- фото
#кыһа Кырачаан бараховецтар үөрэнээччи буоллулар Бастакы чиэппэр түмүктэниэн иннинэ, икки күн устата, И. Н. Барахов аатынан 1-кы нүөмэрдээх орто оскуолаҕа үгэскэ кубулуйбут маҥнайгы кылаас оҕолоругар анаммыт "Үөрэнээччи буоллубут" диэн үөрүүлээх эҕэрдэ тэрээһин уонна аһаҕас уруоктар буолан аастылар. Быйыл уһуйааны бүтэрэн оскуолаҕа кэлбит хас биирдии үөрэнээччи "Үөрэнээччи буоллум" диэн мэтээл уонна туоһу сурук тутта. Тэрээһини дириэктэри иитэр үлэҕэ солбуйааччы Любомира Александровна Тихонова истиҥ эҕэрдэ тылы этэн арыйда. Үөрүүлээх түгэн кэннэ кылаастарынан төрөппүттэрин, иитээччилэрин ыҥыран, маҥнайгы чиэппири түмүктүүр олус үчүгэй аһаҕас уруоктар буоллулар. Кылаас салайааччылара бу уруоктарга олус үчүгэйдик бэлэмнэммиттэрэ көһүннэ, оҕолор ситиһиилэрин киэн тутта көрдөрдүлэр. Оҕолорун үөрүүлэрин үллэстэ, 1-кы "а" кылаас төрөппүттэрэ оҕолорун ааҕыы кинигэлэрин бэлэх ууннулар. Ону таһынан бэйэлэрин сатабылларын көрдөрөн, олус үчүгэй маастар кылааһы ыыттылар. 1 "б" кылаас төрөппүттэрэ оҕолоругар маҥнайгы кинигэлэрин бэлэхтээтилэр. Уһуйаантан иитээччилэрэ кэлэн, күндү ыалдьыт буолан, оҕолорго кэс тылларын эттилэр уонна сэмэй бэлэхтэрин туттартаатылар. Маҥнайгы кылаас оҕолоругар үөрэхтэригэр үрдүк ситиһиилэри, билиигэ тардыһыыны, дьоллоох оҕо сааһы баҕарабыт! @uoheebuluu
Открыть в MAX- Просмотры
- 442
- ER
- 0,5%
- Реакции
- 2