Пост канала
#СудаарыстыбаннасКүнэ #БэлиэКүн Судаарыстыбаннас күнүнэн! Үөһээ Бүлүү нэһилиэгин килбэйэр киинигэр турар биллиилээх политическай деятель, Саха Өрөспүүбүлүкэтин Автономиятын төрүттэспит Улуу киһибит Исидор Никифорович Барахов аатынан сквергэ Судаарыстыбаннас күнүн бэлиэтээн, сүгүрүйүү уонна историяҕа ытыктабыл бэлиэтин туоһулуур сибэкки дьөрбөтүн уурар сиэр-туом тэрээһинэ буолла. Эҕэрдэ тылы сэлиэнньэ баһылыгын солбуйааччыта Егор Владимирович Михайлов эттэ. Улуус дьаһалтатын аатыттан улуус баһылыгын үп боппуруостарыгар солбуйааччыта Марфа Викторовна Игнатьева кыттыыны ылла. Бу историческай бэлиэ күҥҥэ биһиги, сахалар, ураты суолтаны ууран, ытыгылаан, көлүөнэттэн көлүөнэҕэ тириэрдэн, Сахабыт сирэ бигэ туруктаах, сомоҕолоһуулаах буоларын туһугар күүскэ үлэлиэх, айыах-тутуох тустаахпыт. Барыгытын Саха Өрөспүүбүлүкэтин Судаарыстыбаннаһын күнүнэн эҕэрдэлиибит! @uoheebuluu
Открыть в MAX- Просмотры
- 408
- ER
- 1,2%
- Реакции
- 5