Пост канала
- фото
#планерка Үөһээ Бүлүү улууһугар сокуону, бэрээдэги кэһии туругун туһунан Үөһээ Бүлүүтээҕи ис дьыала отделын бэрээдэги бөҕөргөтөр салаатын салайааччыта, полиция подполковнига Владислав Владимирович Поскачин иһитиннэрдэ. Ааспыт нэдиэлэ устата Ис дьыала отделын дьуһуурунай чааһыгар 40 иһитиннэрии киирбит. Онтон эт-хаан эчэйиитэ - 7, мантан 3-һэ охсуһуу түмүгэр тахсыбыт. Дальняя уулуссаҕа 1 киһи ыкка ытыттарбыт. Дьиэттэн киирэн таҥас уорбуттара биллэн, билигин силиэстийэ бара турар. Атын киһи бас билэр малын алдьатыы 2 түбэлтэтэ уонна киэһэ 23:00 чаастан элбэх квартиралаах уопсай дьиэҕэ чуумпуну алмааһын, ууну уйгуурдуу 1 түгэнэ бэлиэтэммит. Дьуһуурунай чааска 2 киһи тутуллан, киирэн тахсыбыт. 4 административнай боротокуол толоруллубут. ГАИ сотрудниктара нэдиэлэ устата 128 ыстараап уонна сэрэтии боротокуолун толорбуттар. Арыгы испит туруктаах 5 суоппар уруулга олорон тутуллубут. Бу 5 киһиттэн иккистээн итирик уруулга олорон тутуллубут 2 киһини холуобунай эппиэккэ тардыахтара. @uoheebuluu
Открыть в MAX- Просмотры
- 432
- ER
- 0,2%
- Реакции
- 1