Пост канала
- фото
Балаҕан ыйын 18, 19, 20 күннэригэр Судаарыстыбаннай Дуумаҕа депутаттары талар быыбар буолаары турар. Бүгүн Кириэстээххэ Сунтаар улууһун баһылыга Анатолий Григорьев, Ил Түмэн депутата Афанасий Постников нэһилиэнньэни кытта көрсүстүлэр. Баһылык Александр Григорьев аан тылы арыйан көрсүһүүнү саҕалаата. Анатолий Васильевич улуус бу күҥҥэ балаһыанньатын сиһилии билиһиннэрдэ, Афанасий Васильевич депутатскай үлэтиттэн киэҥник сырдатта, ханнык баҕарар ыйытыыга эппиэттииргэ бэлэмин биллэрдэ. Бөлөххө улуус актыбыыстара, бэтэрээн үлэһит Маргарита Прокопьева, АБДь бэтэрээнэ Владимир Ведерников, Тыа хаһаайыстыбатын управлениетын начальнига Владимир Анисимов, штабтан Марфа Иванова бааллар, биир санаанан сөпкө быыбардыаҕыҥ диэн ыҥыран, санааларын үллэһиннилэр. Көрсүһүүгэ олохтоохтор нэһилиэнньэни долгутар кыһалҕалаах ыйытыктары биэрдилэр, быыбар тула олус көдьүүстээх кэпсэтиигэ кытыннылар. Кэпсэтиилэргэ маннык боппуруостарга тохтоон аастылар: Варвара Игнатьева, медсестра, нэһилиэк депутата, саҥа амбулатория тутуутугар. Иван Ушатов, гидрометеостанция начальнига, үлэ бэтэрээнэ, ГМС РФ Бочуоттаах үлэһитэ Петр Шамаевы хорсун быһыытын тус билэрин, кинини өйүүргэ нэһилиэк олохтоохторун ыҥырда. Альбина Платонова, “Саргы түһүлгэтэ” култуура киинин дириэктэрэ кулууп ититиитигэр өрөспүүбүлүкэ бюджетыттан үп көрүүтүгэр. Любовь Максимова, үлэ бэтэрээнэ, “Солнышко” уһуйаан сэбиэдиссэйэ уһуйаан капитальнай өрөмүөнүн уочаратыгар тохтоото. Владимир Тороп, СӨ тыа хаһаайыстыбатын бочуоттаах үлэһитэ, нэһилиэк бочуоттаах олохтооҕо, СХПК механизатордарын биригэдьиирэ мелеорация боппуруостарыгар санааларын этиннэ. Маргарита Иванова, педагогическай үлэ бэтэрэээнэ, физика учуутала Петр Шамаевы, “Биир Ньыгыл Арассыыйа” партияны өйүөҕүҥ диэн ыҥырда. Людмила Данилова, СӨ култууратын туйгуна, первичнэй ячейка сэкэрэтээрэ, нэһилиэк депутата Афанасий Постников, Анатолий Григорьев түбүктээх, түмүктээх үлэлэригэр махтанан туран салҕыы өссө баар ыарахан балаһыанньаларга үлэлэһэллэригэр эттэ. Түмүккэ кэпсэппит дьон бары биир санаанан “Биир Ньыгыл Арассыыйа” партия депутаттарын, саҥа көлүөнэ чаҕылхай бэрэстэбиитэлэ Петр Шамаевы өйүүллэрин эттилэр. Альбина Платоноваҕа СӨ Култуура уонна духуобунай сайдыы миниистирэ Афанасий Ноевтан норуодунай штаб итэҕэллээх киһитэ буоларын туһунан удастабырыанньаны Анатолий Григорьев туттарда. Көрсүһүүгэ 78 киһи кыттыыны ылла. Түмсүүнү көрдөрүөххэ, кыайыыны ситиһиэххэ - Анатолий Григорьев
Открыть в MAX- Просмотры
- 191
- ER
- 9,9%
- Реакции
- 19