Пост канала
- видео
«Ахтан-санаан ааһыаҕыҥ Ойуунускай туһунан...» диэн Судаарыстыбаннас күнүгэр аналлаах тэрээһин Ойуунускай аатынан литературнай музейга буолан ааста. Манна саха норуотун суруйааччыта Е.В.Слепцова-Куорсуннаах кэлэн П.А.Ойуунускай бастакы тапталын, сүрэҕэ сөбүлүүр Сүөкүччэ доҕорун, Томскайдааҕы кэмнэриттэн Казанка диэн дэриэбинэҕэ учуутал Расторгуев уолун дневнигэ көстүбүтүн, онно П.А.Ойуунускай ахтыллыбытын туһунан, П.А.Ойуунускай олоҕуттан онтон да атын дьикти түгэннэри сырдатан кэпсээтэ. Биир ыалдьыппытынан Төрүт омуктар оскуолаларын чинчийэр институтугар өр кэмнэргэ ст. научнай үлэһитинэн үлэлээбит, РСФСР Үөрэҕириитин туйгуна, үөрэҕирии бочуоттаах үлэһитэ Мария Константиновна Эверстова буолла. Кини биһиэхэ Ойуунускайдааҕы, Омуоһаптааҕы, оччотоогу эдэр ыччаты түмпүт Федоровтар диэн ыалтан, ийэтинэн аймаҕыттан хаалбыт “Бэтиэхэлээх купсууну” аҕалан көрдөрдө, бу Федоровтар диэн аймахтарын туһунан кэпсээтэ. Бу купсуун туһунан кэпсэтиэхпит иннинэ музейбыт пуондатыттан кылгас киинэни көрдөрдүбүт. Бу киинэҕэ 90-с сс.-хха Раиса Терентьевна Аммосова, Ю.И.Васильев-Дьаргыстай буоланнар Ойуунускайдар аһыыр хосторугар чэй иһэ олорон Сардаана Платоновна Ойуунускайалыын уонна А.Д.Неустроева ииппит кыыһа Акулина Михайловна Неустроева буолан кэпсэтэ олороллоро көстөр. Ону сэргэ саха биллиилээх драматург дьахтара, Мария Петровна Обутова-Эверстова кэргэнэ Ксенофонт Агеевич Эверстов ыалдьыттыы кэлэн олороро көстөр. Бу Ксенофонт Агеевич – Мария Ксенофонтовна аҕата. Бу киинэҕэ Ксенофонт Агеевич ити бэтиэхэлээх купсуун хаһаайыттарын – Федоровтар ыал аҕаларын Николай Никитич Федоров уонна саха драматическай артыыстарыттан биирдэстэрэ Мария Евсеевна Федоровалаах тустарынан ахтар. Кини кэпсииринэн, Өктөөп өрөбөлүүссүйэтин иннинэ саха үөрэхтээх ыччата, саҥа үөрэхтэммит дьон мустар дьиэлэрэ, ыаллара эбит. Кинилэргэ Өксөкүлээх, Алампа, Ойуунускай, Бараахап, Омуоһап, Мегежексэй о.д.а. оччотооҕу саха ыччата сылдьара үһү. Бу Федоровтар ыал кыанар ыаллар эбит. Мария Евсеевна бэйэтин таҥаһынан, эбии таҥас атыылаһан тигэн, таҥыннаран онно-манна баралларыгар таҥастарын-саптарын, ыһыктарын-өйүөлэрин хааччыйаллар эбит, атаараллар, көрсөллөр эбит. Уонна кинилэргэ бэрт элбэх буолан мустаннар, бэйэлэрин былааннарын кэпсэтэн, оннук дьону, ыччаты түмэр, сырытыннарар ыаллар эбит. Бу Балбаара эмээхсиҥҥэ онтон-мантан суруктар, хаартыскалар бааллара үһү. Кэлин көһөрүгэр ханна гыммыттарын ким да билбэт. Ксенофонт Агеевичтаахха иистэнэр массыына, аҕыйах иһит-хомуос хаалбыт. Олортон бу уу кутан иһэ оонньообут иһиттэрин, купсууну – бүгүн, биһиги музейбытыгар, кыыһа Мария Ксенофонтовна аҕалан көрдөрөн кэпсээтэ. Бэтиэхэлээх купсуун сэһэнэ итинник... Бу бэтиэхэлээх купсуун нөҥүө киһи, хайдах эрэ оччотооҕу кэми ситимнээн, онно үктэнэн, сэгэтэн көрөр курдук бу оччотооҕу эдэркээн саастаах, норуоттарын инники дьылҕатын оҥорсо, инники күөҥҥэ сылдьар саха бастакы үөрэхтээх, сайдыылаах ыччаттын, оччотооҕу кэми...
Открыть в MAX- Просмотры
- 77
- ER
- 5,2%
- Реакции
- 4