Пост канала
- фото
Омук устуоруйата кини дьоруойдарын устуоруйата Саха омук былыргыттан аныгыга диэри бэрт элбэх уһулуччулаах дьону төрөтөн-үөскэтэн, иитийэхтээн таһаарда. Итинник дьонноох буолан омук быһыытынан бу үлүгэрдээх тыйыс айылҕаҕа, хас да хаттыгастаах баттабыл аннынан олорон эстэн хаалбакка, сайда-үүнэ турдахпыт. Ыар айылҕа ытарчалыы ылар кууһун, улахан омук хам баттааьынын кыайан тулуйбакка Сибиир киэҥ киэлитигэр олохсуйан олорбут сүүһүнэн араас омук сороҕо имири эһиннэ, сороҕо эстэр суолга өрүттүбэттик уктэннэ, сороҕо суураллан симэлийдэ. Оттон биһиги Сибиир олохтоох омуктарыттан ахсаан эттунэн саамай элбэх ахсааннаах омук буоллубут, тылбытын, култуурабытын, тэрут сиэрбитин-туоммутун, омук быһыытынан уратыбытын хас эмэ сүүһүнэн сылларга оҕолуу буэбэйдээн тыыннаах а5аллыбыт. Ол иьин баар эбит бэрт былыргы муударас: «Омук устуоруйата кини дьоруойдарын устуоруйатата» - диэн. Хас биирдии итинник тумус туттар сүдү дьоммутун умнубакка, кинилэр ааттарын кэриэстиэх, олорбут олохторугар сүгүрүйүөх, холобур оцостуох тустаахпыт. Омук инники күөнүгэр сылдьар, дьицнээх саха саарыныннарыттан биирдэстэринэн Владимир Гаврильевич Павловы ааттаныахтаах диэн бигэ санаалаахпын. Сааспыт араастаһыыта төһө да улаханын иһин, элбэхтик кинини кытта алтыспыт, өй-санаа уллэстибит киһи быһыытынан кини туһунан бэйэм санааларбын киэц эйгэ5э сорох өттүн таһаарарга холонон көрөр былааннанным. Мин ийэм Ирина Семеновна Яковлева бэйэтин хаан-уруу быраатын Володя Павловы, биэс эрэ сыл аҕа да буоллар, наачаалынай кылаастарга үөрэппит этэ, онон кини олоххо көрүүтэ олохсуйарыгар, уөрэх-билии аартыгын арыйарыгар, киһи быһыытынан сайдарыгар акылаат уурсубут киһинэн буолар. Ол иьин Владимир Гаврильевич туһунан мин эйдэбуллэрим бастаан ийэм кэпсээннэриттэн үөскээбиттэрэ. Павловтар ийэлэрэ Балбаара уонна биьиги эбэбит Маарыйа бииргэ төрөөбүттэр оҕолоро этилэр, онон олус чугастык аймахтаһаллара, билсэллэрэ. Балбаара ыалдьа сыттаҕына ийэбит киниэхэ элбэхтик сылдьан сэлэһэр этэ. Соро5ор эдьийим Ида биһиккини илдьэ киирэрэ. Эдьийбит Балбаара олус өйдөөх, болҕомтолоох харахтааҕын өйдүүбүүн, ийэм кэллэҕинэ олус үөрэрэ, сылаанньыйара, ийэм Балбаараны олус муударай, ырааҕы анааран кэрэр дьахтар, ол иьин оҕолоро бары үчүгэй иитиилээхтэр, эйгэлэрэ киэҥ диирэ. Күтүөппут Хабылла, хаһан да ахсаабакка наар улэлээн түбүгүрэ сылдьар буолара, нэһилиэккэ мас оҥоһуктары үксүн кини оҥорор этэ. Балбаара уһун ыарахан ыарыыттан биһиги кыра эрдэхпитинэ өлбүтэ, ийэтин улахан кыыс Өкүүлүүн солбуйан Павловтар кыра оҕолоругар ийэлэрин курдук буолбута. Кини наар оскуолаҕа остуорастаабыта, аҕатын, дьиэни-уоту, хотону көрөр этэ, бэйэтэ уэрэммэтэҕэ, ол оннугар бырааттарын балыстарын барыларын үрдүк уэрэхтээбитэ. Онуһу бутэрбиппит 30 сылыгар оскуолабытыгар мустубуппутугар Өкүлүүн бэрт холкутук туттан туран олус иһирэх, истиц тыллары дьиктитик сааһылаан ахтыы этэн бары харахпыт уута халыйбытын билбэккэ да хаалбыппыт. Өкүлүүнү олох саҥа харахпытынан кэрэн, саҥаттан арыйан соһуйбуппут да, уйадыйбыппыт даҕаны, оскуолатааҕы сылларбыт уонна Өкүлүүн арахсыспат өйдөбүллэр этэ буоллаҕа. Ол көрсүһүү кэнниттэн Өкүлүүн туһунан ийэбэр кэпсээбиппэр соһуйбатаҕа: «Ийэтин утумнаатаҕа, Успурдар уус-уран тылларыттан бэриһиннэрдэҕэ» - диэн кылгастык быһаарбыта. Ийэм Владимир Гаврильевиьы кыра эрдэҕиттэн олох атын айылҕалаах, дьицнээх лидер этэ, оҕолор бары кини тула түмсэллэрэ, ол иһин Володяны кылаас ыстаарыстата, оскуола учкомун салайааччыта оцорбутум, ол түмүгэр үлэм быдан чэпчээбитэ, оскуола оҕолорун тэҥҥэ салайсара, бэрээдэктиирэ диэн кэпсиир буолара. Кэнники Партия райкомун бастакы сэкиритээринэн, Обком отделын сэбиэдиссэйинэн уьуннук улэлээбит Ксенофонт Васильев диэн Мэйиктэн Бүлүүчээҥҥэ 5 кылааска үөрэнэ кэлбит оҕо, барытын тоҕута сүүрэ сылдьар, аҥаар кырыы дайбаһан иһэр, туохха да баппат уол эбит. Ону Владимир Гаврильевич ийэбиттэн көрдөспут: «Силиппиэн олох табылларын ааста, хайдах эрэ эн бэйэц анаан кэпсэтэн бэрээдэктиириц буоллар» - диэн. Ийэм уруок кэнниттэн хаалларан
Открыть в MAX- Просмотры
- 264
- ER
- 0,8%
- Реакции
- 2