Пост канала
- видео, фото
Эбии үөрэхтээһин уһуйааччыта - истиҥ иэйии саҕааччы, саҥа дьоҕуру арыйан, үрдүккэ кынаттааччы, эбии үөрэхтээһин уһуйааччыта - тулууру, кыаҕы тутааччы, үрдүк сыалы туруоран, ситиһиигэ тиэрдээччи, эбии үөрэхтээһин уһуйааччыта-олох суолун ыйан-кэрдэн, сырдык суолу тэлээччи. Российскай Федерация педагогическай декадатын чэрчитинэн алтынньы 8 күнэ эбии үөрэхтээһин үлэһиттэрин күнүнэн бэлиэтэнэр. Улууска оҕону эбии үөрэхтээһин эйгэтигэр уһуйууну 3 тэрилтэнэн киэҥ далааһыннаахтык ыытыллар. Бэлиэ күн чэрчитинэн, быйыл Чурапчы улууһугар «Радость» оҕо дьоҕурун сайыннарыы киин иһинэн «Педагог-мастер» конкурс иккис төгүлүн ситиһиилээхтик ыытылынна. Бу күрэх эбии үөрэхтээһин педагогун үлэтин таһымын үрдэтэр, үлэтин-хамнаһын киэҥ араҥаҕа таһаарар үрдүк сыалаах ыытыллар. Быйылгы күрэххэ барыта 10 кыттааччы үс хайысханан ситиһиилээхтик кытынна, кытааччылар бары идэлэригэр сөпкө тайанан, айа-тута үлэлии-хамныы сылдьаларын көрдөрөн, дьүүллүүр сүбэ да, көрөөччү да биһирэбилин ыллылар. Конкурс дьүүллүүр сүбэтигэр үлэлээтилэр: 1. Бушкова Татьяна Петровна, Чурапчы улууһа муниципальнай оройуон социальнай отделын дьиэ кэргэни кытары үлэ сүрүннүүр специалиһа; 2. Артемьева Мария Семеновна, Чурапчы улууһун үөрэҕин салалтатын методическай көемө отделын специалиһа; 3. Илларионова Екатерина Семеновна, «Радость» оҕо дьоҕурун сайыннарар киин үөрэх чааһыгар дириэктэри солбуйааччы; 4. Захарова Светлана Евдокимовна, В.П. Карпов аатынан оҕо уонна ыччат спортивнай оскуолата иитии уонна үөрэх чааһыгар дириэктэри солбуйааччы; 5. Филиппов Константин Иннокентьевич, А.П. Листиков аатынан Чурапчытааҕы үөрэтэр, оҥорон таһаарар киин итии уонна үөрэх чааһыгар дириэктэри солбуйааччы. Ол курдук, күрэх түмүгүнэн кыайыылаахтар быһаарылыннылар: «Педагогический дебют» хайысхаҕа: 1 истиэпэннээх диплом - Рожина Александра Дмитрьевна, «Радость» Оҕо дьоҕурун сайыннара киин педагога 2 истиэпэннээх диплом - Степанова Дайаана Петровна, «Радость» Оҕо дьоҕурун сайыннара киин педагога 3 истиэпэннээх диплом - Кузьмин Ариан Петрович, Вявеслав Павлович Карпов аатынан оҕо уонна ыччат спортивнай оскуола тренера «Моя инновация» хайысхаҕа: 1 истиэпэннээх диплом - Филиппова Евгения Семеновна, Вявеслав Павлович Карпов аатынан оҕо уонна ыччат спортивнай оскуола тренера 2 истиэпэннээх диплом - Беляева Саманта Алексеева, «Радость» Оҕо дьоҕурун сайыннара киин педагога 3 истиэпэннээх диплом - Сивцева Юлия Семеновна - «Радость» Оҕо дьоҕурун сайыннара киин педагога «Педагогический Лайфхак» хайысхаҕа: 1 истиэпэннээх диплом - Барашков Дмитрий Константинович, Андрей Павлович Листиков аатынан Чурапчытааҕы үөрэтэр, оҥорон таһаарар киин педагога; 2 истиэпэннээх диплом - Фомина Дария Владимировна, Вявеслав Павлович Карпов аатынан оҕо уонна ыччат спортивнай оскуола тренера; 3 истиэпэннээх диплом - Миронова Лидия Иосифовна, «Радость» Оҕо дьоҕурун сайыннара киин педагога 3 истиэпэннээх диплом - Новгородов Иннокентий Николаевич, Андрей Павлович Листиков аатынан Чурапчытааҕы үөрэтэр, оҥорон таһаарар киин педагога. Маннык күрэх сыллата ыытыллара улууска эбии үөрэхтээһин таһыма үрдүүрүгэр, педагог айар-тутар үлэтин ыыра кэҥииригэр, оҕо-ыччат үүнэ сайдарыгар-олук уурар Бары уһуйааччыларга оҕолорго сатабылгытын иҥэрэн сайдар суолу тэлэргит, талааннарын арыйан олохторугар олук уураргыт дьоһун кылааты киллэрэргитигэр махтанабыт. Эһиэхэ барыгытыгар үрдүктэн үрдүк ситиһиилэри, айымньылаах үлэни, тус олоххутугар дьолу-соргуну баҕарабыт!
Открыть в MAX- Просмотры
- 80
- ER
- —
- Реакции
- —