Пост канала
- видео, фото
Төрүт идэ уонна агро-үөрэх: Оҕолорбут ситии быатын оҥордулар☺️🙌🏻 Бүгүн оскуолабыт олоҕор туһалаах күн буолан ааста. Уруок кэнниттэн, агро-хайысхалаах Н.И. Прокопьев аатынан Хатыы орто оскуолатын үөрэнээччилэрэ саха хаһаайыстыбатыгар саамай тутаах маллартан биирдэстэрин — ынах баайар ситии быаны (үллүктэни/туора быаны) бэйэлэрин илиилэринэн оҥорон таһаардылар уонна практическай дьарыкка көхтөөхтүк кытыннылар. Үлэ үөрүйэҕин эдэр көлүөнэҕэ тиэрдэр уонна тыа хаһаайыстыбатын тутаах өйдөбүллэрин кытта билиһиннэрэр сыаллаах дьарыкка оҕолор улахан интэриэһи көрдөрдүлэр. Кинилэр бэйэлэрин илиилэринэн, былыргы сахалар туттар хатыы уонна өрүү ньымаларын тутуһан, хотоҥҥо туттуллар ситии быаны оҥордулар. Бу курдук дьарык оҕолору тулуурдаах, сымса уонна айымньылаах буоларга уһуйаллар, бэйэбит төрүт сирбитигэр-уоппутугар тапталы иҥэрэллэр. Бэйэлэрин илиилэринэн туһалаах малы оҥорбут агро-хайысхалаах оскуола оҕолоругар улахан махтал👍🏻 Төрүт үгэспит өрүү уруйданнын, үөрэнээччилэрбит билиилэрэ уонна ситиһиилэрэ өссө да үрдээтин☺️🙌🏻
Открыть в MAX- Просмотры
- 302
- ER
- 5,0%
- Реакции
- 15