Пост канала
- фото
Балаҕан ыйын 19 күнүгэр Чурапчы улууһугар Кутурҕан уонна кэриэстэбил күнэ. Бу күн сарсыарда 10 чаастан Көһөрүллүү мемориалыгар Кутурҕан миитинэ ыытылынна. Хоту көһөрүллүүгэ утаарыллыбыт биир дойдулаахтарын сырдык ааттарыгар сүгүрүйэн, Чурапчы улууһун тэрилтэлэрин профсоюзнай координационнай Сэбиэтин хамсааһына велопробег тэрийдэ. Биһиги уһуйаантан спорду өрө туппут үлэһиттэрбит Дьячковская Е.А., Дьячковский М.А., Лебедкина Л.И. кыттыыны ыллылар. Күн бүгүн Чурапчы улууһугар 46 көһөрүллүү кыттыылааҕа олорор. Эһиил Хоту көһөрүллүү 85 сыла бэлиэтэнэр. Аҕа дойду Улуу сэриитин сылларыгар икки бүк иэдээни көрсүбүт Чурапчы алдьархайа хаһан да хатыламматын, кыайыы туһугар сырдык тыыннарын толук уурбут, дойдуларыгар этэҥҥэ эргиллэн, төрөөбүт дойдуларын уйгулаах олоҕун туһугар күүстэрин ууран туран үлэлээбит ытык дьоммут хорсун быһыылара үүнэр көлүөнэҕэ үтүө холобур буола, үйэтитиллэ туруоҕа.
Открыть в MAX- Просмотры
- 181
- ER
- 1,7%
- Реакции
- 3