Пост канала
- фото
“Күһүҥҥү киһи күлбүтүнэн”. Биһиги уһуйааммытыгар ""Кыһыл көмүс күһүн" үөрүүлээх күн буолан ааста. Сир ийэ быйаҥын хомуйбут дьоро киэһэ бырааһынньыга буолла. Уһуйааммыт сэбиэдиссэйэ, Альбина Ивановна төрөппүттэргэ, ыалдьыттарга соһуччу уонна олус долгутуулаах сонуну иһитиннэрдэ. Бүтүн Арассыыйатааҕы грантовай куонкурус түмүгүнэн 900-тэн тахса тыһыынча солкуобай сууммалаах гранын сэртипикээтин, «Туллукчаан» уһуйаанын көхтөөх төрөппүттэрин кэмитиэтиэтин бэрэсэдээтэлигэр туттарда. Итиэннэ, оҕолор хомоҕой хоһооннорунан, кэрэ ырыаларынан күһүн кэрэ кэмнэрин, сир аһын дэлэйиитин туойдулар. Иитээччилэр сыралаах үлэлэрин түмүгэ — кырачааннар имигэс үҥкүүлэрэ ытыс тыаһынан арыалланна. Бырааһынньык иккис аҥаарыгар — ас-үөл дьаарбаҥката ыытылынна. Бөлөхтөр икки ардыларыгар «Саамай кэрэ, күһүҥҥү симиир (венок)», кыра бөлөх оҕолоругар "Хомуур хортуоска", улахан бөлөх оҕолоругар успуорт оонньуулара ыытылыннылар, кыайыылаахтар наҕараадаланнылар. Дьоро күн оҕо-аймах күйгүөрүнэн, төрөппүт мичээринэн, үлэһит дьон үөрүүтүнэн туолла.
Открыть в MAX- Просмотры
- 181
- ER
- 6,1%
- Реакции
- 11