Пост канала
- фото
«Светлячок» уһуйаан 50 сыллаах үбүлүөйүн чэрчитинэн уонна Уһуйаан үлэһиттэрин күнүн бэлиэтиир декада саҕаламмытынан бүгүн уһуйааммытыгар «Сахалыы саҥаны сайыннарыыга — саҥа сүүрээннэр» диэн оройуоннааҕы маастар-кылаастар буоллулар. Тылы уонна саҥаны сайыннарыыга авторскай үлэлэрин билиһиннэрдилэр: логопед Маргарита Николаевна Пахомова, иитээччи Раиса Макаровна Дыдорова. Бу үлэлэр оҕолор сахалыы саҥалара сайдарыгар төһүү күүс буолаллара саарбаҕа суох. Оҕо истэр дьоҕурун сайыннаҕына, саҥарар саҥата, суруйар тэтимэ барыта сайдар. Уһуйаан үлэһиттэрин күнүнэн улахан бөлөх оҕолоро М. Кюннэй, А. Саша «Оҕо саас» диэн ырыанан эҕэрдэлээтилэр. Кэлэн истибит, бэйэлэрин санааларын үллэстибит иитээччилэргэ махталбытым тириэрдэбит! Бэйэлэригэр саҥаны ылынан, оҕолору кытта үлэлэригэр ситиһиилэри баҕарабыт!
Открыть в MAX- Просмотры
- 260
- ER
- —
- Реакции
- —