Пост канала
- видео
Балаҕан ыйын 23 күнүгэр, сахалартан бастакы лингвист учуонай, саха тылынан тахсыбыт бастакы учуобунньуктар ааптардара, тѳрѳѳбүт сахатын тылын чинчийиигэ, сайыннарыыга олоҕун анаабыт уопсастыбаннай диэйэтэл, уhулуччулаах сырдатааччы Семен Андреевич Новгородов төрөөбүтэ 135 сылын бэлиэтиир үбүлүөйдээх тэрээһиннэр саҕаланыыларын кини аатынан Чурапчы орто оскуолата ураты дьулуурдаахтык көрүстүбүт. Бу күн «Чурапчы-Хатылы-Болтоҥо-Чуораайытта» маршрутунан 10 уонна 11 кылаас уолаттарыгар 21 километры сүүрэн кэлии тэрилиннэ, сүүрүүгэ бэйэлэрин баҕаларынан 43 уол кыттыыны ылла, ону тэҥэ тэрээһиҥҥэ Н.Д.Субуруускай аатынан Болтоҥо орто оскуолатын оҕолоро кыттыстылар. Оҕолор С.А.Новгородов төрөөбүт алааһыгар сүүрэн тиийэн дьаныардарын, кыахтарын көрдөрдүлэр. Бу күн Семен Андреевич күүстээх санаата, дьулуура, дойдутугар бэриниитэ, оҕолорбут сүүрүүлэригэр эҥээрдэһэн туруоруллубут сыал ситиһилиннэ.
Открыть в MAX- Просмотры
- 398
- ER
- 1,8%
- Реакции
- 7