Пост канала
- фото
🎵1 октябрь көнө лицейыбыҙҙа Башҡортостан Республикаһының дәүләт ҡурайсылар ансамбле ҡатнашлығында тылсымлы концерт ойошторолдо! Был матур сара бер үк ваҡытта бер нисә мөһим һәм күркәм байрамды үҙенә берләштерҙе. 🗓 Беренсенән, 1 октябрь — Халыҡ-ара ололар көнө. Көҙҙөң был йылы көнөндә беҙ оло быуын вәкилдәренә — яратҡан өләсәй-олатайҙарыбыҙға, хөрмәтле уҡытыусыларыбыҙға тәрән рәхмәтебеҙҙе белдерәбеҙ. 🎼 Икенсенән, был көн бөтә донъяла Халыҡ-ара музыка көнө булараҡ билдәләнә. Музыка — сиктәрҙе белмәгән, күңелдәрҙе берләштергән оло көс. Ҡурайсылар ансамбле башҡарыуындағы боронғо оҙон көйҙәр һәм заманса йырҙар тамашасыларҙы ысын музыка сәнғәтенең үренә алып менде.🌿 Бынан тыш, был осрашыу республикабыҙҙа яҡынлашып килгән байрамға — Ҡурай көнөнә тамашасыларҙы рухи яҡтан әҙерләне. Милли ғорурлығыбыҙ булған ҡурай ҡоралының бөйөклөгөн йәш быуынға еткереү — бөгөнгө көндә иң мөһим бурыстарҙың береһе. ✨Фольклор ҡомартҡыбыҙҙы һаҡлаусы һәм үҫтереүсе ҡурайсылар ансамбленә оло рәхмәтебеҙҙе белдерәбеҙ һәм яңы ижади уңыштар теләйбеҙ! Ныҡлы сәләмәтлек, ил тыныслығы һәм һәр өйҙә ҡурай моңо тынмауын теләйбеҙ! 🕊✨
Открыть в MAX- Просмотры
- 376
- ER
- 2,4%
- Реакции
- 9