Пост канала
- фото
«Татарстан» авыл хуҗалыгы җәмгыятендә икенче икмәкне җыю ахырына якынлаша. Җәмгыять кырларында бәрәңге уңышын җыю кампаниясе финиш сызыгына чыкты. Быел хуҗалыкта 110 гектарда икенче икмәк утыртылды, соңгы гектарларда эшләр кызу темпта бара. «Гала» сортлы уңыш мулдан чыга, гектарыннан 345 центнер. Бәрәңгене игеп кенә калмыйлар, аны эшкәртү дә оешкан төстә башланып киткән. Бүгенге көндә җәмгыять подвалында бәрәңгене аралау һәм калибрлау эшләре бара. Әлеге эштә Арча агросәнәгать һөнәри көллиятенең 2 нче филиалы студентлары да актив катнаша, алар хезмәтчәннәргә зур ярдәм күрсәтә. Аралау процессы өзлексез барсын өчен, сменалы эш графигы кертелгән. «Эшнең нәтиҗәсе канәгатьләнерлек. Лаеклы ялдагы хуҗалык эшчеләре дә ярдәмгә килде. Барыбыз да табыннарыбыз мул булсын өчен тырышабыз», — ди бригадир Илмир Шамсетдинов.
Открыть в MAX- Просмотры
- 661
- ER
- 0,8%
- Реакции
- 5