Пост канала
- фото
Дьокуускай куоракка алын кылаас үөрэнээччилэригэр анаан 12 №-дээх оскуола базатыгар сыл аайы ыытыллар куораттааҕы «ТОБУЛ-2026» парнай олимпиада түмүктэннэ. Быйылгы дьыллааҕы өй күрэҕин муҥутуур кыайыылаахтарынан, А.Г. уонна Н.К. Чиряевтар ааттарынан Дьокуускайдааҕы национальнай гимназия чиэһин көмүскээбит бииргэ төрөөбүт уолаттар — 4 "В"кылаас үөрэнээччитэ Айдар(кыл.сал. Слепцова Н.М.) уонна 3 "Б"кылаас үөрэнээччитэ Артур(кыл.сал. Белолюбская А.Г.) Тобоновтар буоллулар. Парнай олимпиада көрүҥэ атын классическай күрэхтэһиилэртэн уратылаах: манна кыттааччылар бэриллибит кылгас бириэмэ иһигэр иккиэн көмөлөөн, сорудахтары бэйэ-бэйэлэригэр түргэнник үллэстиэхтээхтэр, напарниктарын суоттааһыныгар эрэниэхтээхтэр уонна логическай быһаарыыны бииргэ булуохтаахтар. Тобоновтар бэйэ-бэйэлэрин кытта өйдөһөн, түргэнник уонна чопчутук үлэлээн, уонтан тахса хамаанданы лаппа баһыйан, чаҕылхай кыайыыны ситистилэр. Кыайыыны аҕалбыт хамаандабытыгар итии-истиҥ эҕэрдэ!
Открыть в MAX- Просмотры
- 173
- ER
- 4,0%
- Реакции
- 7