Пост канала
- фото
Кызыл хоорайның чаштарынга изиг байыр! Бөгүн Кызыл хоорайның тургустунганындан бээр 112 чыл болуп турар, уруглар! Кызыл – республиканың төвү. Ол – узун төөгүлүг, салым-хуулуг. Силерниң кырган-аваларыңарның, кырган-ачаларыңарның безин ада-өгбелери хоорайны тудуп-тургузарынга киришкен. Ол ышкаш Кызыл хоорайның келир үези – амгы өзүп олурар чаштарның холунда! Байырлал-биле, Кызылдың бичии чурттакчылары! Бо шакта Кызыл хоорайның Арат шөлүнде Россияда чоннарның чаңгыс аай деми болгаш Тывада чарлаттынган Тургузукчу күш-ажыл болгаш өг-бүле ыдыктарының чылынга тураскааткан байырлыг хемчеглер болуп турар. Ында Кызыл хоорайның 9 дугаар школазының немелде өөредилге төвүнде «Өзүмнер» чогаадыкчы каттыжыышкынның танцы бөлгүмүнүң уруглары янзы-бүрү нация чоннарның культуразын илереткен самны бараалгаткан. Риана Ооржак, 9-ку классчы: - Бөгүн Кызыл хоорайның төрүттүнген хүнүнде 9 дугаар гимназияда «Өзүмнер» чогаадыкчы каттыжыышкынның бөлүү янзы-бүрү чоннарның культуразын илереткен чараш танцыны Арат шөлүнге бараалгаттывыс. Мен башкир чоннуң национал хевин кеттим. Эштерим өске-даа чоннарның хептерин кедип алгаш танцылаан. Танцывыс башкызы Надежда Александровна Тыртык-Кара бисти хоорайның болгаш республиканың хемчеглеринде идепкейлиг киириштирип турары өөрүнчүг. Кызылдың төрүттүнген хүнүнде шупту чаштарга байыр чедирип тур мен. Мира КОНГУЛ-ООЛ. Авторнуң тырттырган чуруктары #деньгорода #кызыл #допобразование #культура #гимназия9кызыл #единствоНародовРоссии #созидательныйтруд #семейныеценности
Открыть в MAX- Просмотры
- 708
- ER
- 0,8%
- Реакции
- 6