Пост канала
- видео
Үлэ үөрүүтэ 🌾 🌾🌾 Быйыл оскуолабыт тиэргэнигэр Айыы дайар туонатыгар, Соҕуруу хайысхаҕа экспериментальнай былассаатка оӈорон Саха сирин учуонайдара селекциялаан таһаарбыт районнированнай туораахтаах, эбии аһылык культураларын, өр сыллаах сибэккиилэри, араас культуралары үүннэрдибит. Ол курдук сэлиэһинэй икки суордун, ньэчимиэн икки суордун, дьаарысса 1 суорт, эбиэс икки суордун, эбии аһылык культураларыттан горох, ыһыллар Вика, өр сыллаах от, сибэккилэри, араас культуралары ыстыбыт. Быйылгы ыһыыбытын хойутаан соҕус ыспыппыт, да буоллар үүнээйилэрбит син үүннүлэр, оҕолор үлэлэрин түмүгүн көрөн олус үөрдүлэр. Бу үлэбит сүрүн сыала оҕолор бэйэлэрин дойдуларын хаһаайына буоларга иитии, Саха сиригэр үүнэр туораахтаах, эбии аһатыы культуралары, өр сыл үүнэр сибэккиилэри билии, бэйэлэрэ үүннэрэ үөрэтии, ас продукциятын ыларга үөрэнии, үлэттэн үөрүүнү ылыы. Үлэни салайан ыыттылар география учуутала Күннэй Анатольевна, биология учуутала Евдокия Анатольевна. Күүс көмө буоллулар сирин оӈоруутугар былырыын бүтэрбит выпускниктарбыт Тимофеев Никон, Абрамов Марк, Үөдүгэй Хатан, Степанов Егор, Гаврильев Егор, 11 кылааһы бүтэрбит үөрэнээччилэр Абрамов Эльдар, Липатов Дамир, Дьячковскай Валера, Терентьев Влас, Федоров Егор, Апросимов Рома, Нестерева Настя, Винокурова Лиана, үөрэнээччилэрбитигэр махталбыт муӈура суох. Айыы Кыһатын бастакы бурдугун үүннэрдилэр 7 кылаас үөрэнээччилэрэ Чирикова Вика, Тумусов Слава, Кириллин Айсен, Сокольников Аман, өр сыл үүнэр сибэккиилэри үүннэрдилэр Матаннанова Далаана, Дмитриева Сайнаара, Тарабукин Никита. Махтанабыт опытнай участок үлэтигэр күүс көмө буолбут үтүөкэн дьоммутугар Любовь Семеновна, Сахаайа Афанасьевна, Михаил Михайлович Черосовка, күүс көмө, сүрүн сыалы ыйан-кэрдэн, семенной материал булан биэрбитигэр, гимназиябыт директордарыгар Лидия Петровнаҕа айар көӈүл тыынын биэрэригэр. Опытнай участокпыт чэчирии сайын, үөрэнээччилэр араас чинчийэр үлэлэри оӈордуннар, айдыннар-туттуннар, бу учаастакка иитиллэн элбэх көлүөнэ чинчийээччилэр таҕыстыннар, сири кытта үлэҕэ сыһынныннар, дойдуларын хаһаайыттара буоллуннар. 🙌🙌🙌🌿🌿🌿🌳🌳🌳Суруйда Айыы Кыһата Национальнай гимназия географияҕа учуутала Ильина Күннэй Анатольевна
Открыть в MAX- Просмотры
- 273
- ER
- 5,1%
- Реакции
- 14