Пост канала
- фото
А. С. Пушкин аттыг Национал ном саңынга чурт-шинчилел чогаалы болгаш национал библиография килдизиниң ажылдакчылары, сентябрь 30-ниң хүнүнде, Тываны хөй чылдарда удуртуп чораан, күрүне ажылдакчызы, СЭКП-тиң Тыва обкомунуң бирги секретары, төөгү эртемнериниң кандидады, Кызыл хоорайның хүндүлүг хамаатызы Григорий Чоодуевич Ширшин-биле “Узун назынның чажыды” деп ужуражылганы эрттирген. Салым-чаяанныг удуртукчунуң допчу намдарын таныштырыпкан соонда, ол бодунуң хөй чылдар иштинде удуртукчу ажылдарга ажылдап чораанын, кандыг-кандыг ажылдар кылдынып турганын, чымыштыг ажыл-агыйының дугайында Кызылдың экономика болгаш эрге-хоойлу техникумунуң 1 дугаар курузунуң сургуулдарынга, келген аалчыларга сонуургадып, чугаалап берген. Кызыл хоорайның Хүндүлүг хамаатызы, улуг назылыг хоочун Г. Ч. Ширшин-биле ужуражылга солун, кижизидикчи ужур – уткалыг болганын Кызылдың экономика болгаш эрге-хоойлу техникумунуң башкызы Аюна Чеченовна демдеглеп, килдистиң ажылдакчыларынга өөрүп четтиргенин илереткен.
Открыть в MAX- Просмотры
- 52
- ER
- 5,8%
- Реакции
- 3