Пост канала
- фото
Бу күн Нам сэлиэнньэтигэр, улууска үөрэхтээһин тэриллибитэ 150 сылыгар анаммыт сквергэ, үгүс кэнчээри ыччакка билиини биэрбит ытык ветеран учууталларга сүгүрүйэн сибэкки ууруутун үөрүүлээх түгэнэ буолан ааста. Эҕэрдэ тыллары улуус баһылыга Юрий Слепцов, үөрэх управлениетын начальнига Мария Игнатьева, үөрэҕирии үлэһиттэрин профсойууһун бэрэссэдээтэлэ Надежда Васильева, Ленскэй нэһилиэк дьаһалтатын специалиһа Наталья Ким эттилэр. Нам 2 №-дээх орто оскуолатын үөрэнээччилэрэ истиҥ тыллардаах хоһоонунан эҕэрдэлэрин тиэртилэр, бэтэрээн учууталларга сэмэй бэлэхтэрин туттаран үөртүлэр. Кэнчээри ыччаты билиигэ-көрүүгэ уһуйан, олох киэҥ аартыгар сирдиир күндү учууталларбытын, ветераннарбытын Учуутал күнүнэн истиҥник эҕэрдэлиибит! Билии-көрүү аартыгар үгүс кэнчээри ыччаты атаарбыккытыгар махтанабыт! «Нам улууһа» МО пресс-сулууспата
Открыть в MAX- Просмотры
- 152
- ER
- 0,7%
- Реакции
- 1