Пост канала
- фото
✅Дьиэ кэргэн уонна ыччат политикатын отделын салайааччыта Екатерина Евстафьева балаҕан ыйын 25–26 күннэригэр уһулуччулаах государственнай уонна политическай деятель Илья Егорович Винокуров төрөөбүтэ 130 сылыгар аналлаах өрөспүүбүлүкэтээҕи ыччат Винокуровскай ааҕыылара үрдүк таһымҥа ыытыллыбыттарын туһунан иһитиннэрдэ. ✅Алтынньы ыйга анал байыаннай дьайыыга кытта сылдьар биир дойдулаахтарбытыгар күүс-көмө уонна өйөбүл буолар көмө акция тэриллэн ыытыллыаҕа. ✅Нам улууһун киин балыыһатын поликлиникатын сэбиэдиссэйэ Ольга Андреева бүгүҥҥү күн туругунан улуус үрдүнэн нэһилиэнньэ диспансеризацияны барыытын былаана 70,25 % уонна флюорографическай чинчийиини ааһыыта 51,6 % туолан иһэрин билиһиннэрдэ. Кини бэйэтин иһитиннэриитигэр хас биирдии нэһилиэккэ бу хайысхаҕа ыытыллыбыт медицинскэй үлэлэр сиһилии көрдөрүүлэрүн иһитиннэрдэ. ✅Тымныы, ардах – хаар түһүөн иннинэ, күнү-дьылы баттаһа санитарнай ыраастааһын үлэлэрин уонна субуотунньуктары улуус киинигэр уонна нэһилиэктэргэ тэрийэн ыытарга соруктар туруорулуннулар. «Нам улууһа” МО пресс – сулууспата
Открыть в MAX- Просмотры
- 198
- ER
- 1,0%
- Реакции
- 2