Пост канала
Биһиги, аныгы үйэ дьоно, чулуу дьоммут ааттарын, сүдү үлэлэрин ситиһиилээх үөрэхпитинэн, дойдубутугар бэриниилээх буолуубутунан, үтүө суобастаах үлэбитинэн үрдүктүк тутуохтаахпыт. Кинилэр биһиги инникибитин оҥорон, түстээн биэрбиттэрин салҕаан Дойдубут сайдыытыгар туруулаһан туран үлэлиэхтээхпит, ис сүрэхтэн кыһаллыахтаахпыт. Күн бүгүн Сахабыт сирэ, төрөөбүт улууспут чэчирии сайдалларыгар барыбыт күүспүтүнэн улахан бырайыактар олоххо киирэллэр. Ол курдук, федеральнай, регионнааҕы, улуус таһымыгар араас хабааннаах программалар тиһиктэринэн үлэ-хамнас ситимнээхтик ыытыллар. Кэнчээри ыччаппыт төрөөбүт дойдутугар бэриниилээх буола улаатарын туһугар уһуйаантан, оскуолаттан саҕалаан иитэн-үөрэтэн таһаарыахтаахпыт. Ол туһугар бары бииргэ сомоҕолоһон үлэни-үөрэҕи өрө тутан улууспутун, республикабытын, дойдубутун инники күөҥҥэ таһааран иннибит диэки эрэллээхтик хардыылыахтаахпыт. Күндү биир дойдулаахтарым! Эйэлээх халлааны, төрөөбүт дойдубут сайдарын туһугар айымньылаах үлэни, үөрэҕи, ситиһиилэри, этэҥҥэ буолууну баҕарабын! Убаастабылы кытта, "Нам улууһа" муниципальнай оройуон баһылыга Юрий Иннокентьевич Слепцов
Открыть в MAX- Просмотры
- 126
- ER
- —
- Реакции
- —