Пост канала
- фото
Байыаннай дьайыы кыттыылаахтарыгар уонна кинилэр дьиэ кэргэттэригэр сир учаастактарын түҥэттилэр Ааспыт нэдиэлэҕэ, алтынньы 16 күнүгэр, М.К. Аммосов аатынан Культура уонна духуобунай сайдыы дыбарыаһыгар СӨ Сиргэ кодексатыгар уонна «Нам улууһа» МО дьаһалтатын, улуус депутаттарын Сэбиэтин «Анал байыаннай дьайыы кыттыылаахтарыгар уонна кинилэр дьиэ кэргэттэригэр сир учаастагын анааһын туһунан» дьаһалыгар олоҕуран, уочараттаах сир учаастактарын түҥэтии тэрээһинэ буолла. Уопсайа 75 сайабылыанньа киирбит. Онно олоҕуран Ленскэй, Никольскай, Хамаҕатта уонна Хатыҥ-Арыы нэһилиэктэрин сирдэригэр уһаайбалар тыырыллан бэлэмнэннилэр. Бу күн 60-ча киһи кэлэн сир учаастагын сэрэбиэй быһыытынан талан ылла. Санатар буоллахха, сыл аннараа өттүгэр баччаларга, 2025 сыл алтынньы 17 күнүгэр, анал байыаннай дьайыы кыттыылаахтарыгар уонна кинилэр дьиэ кэргэттэригэр сир учаастактара түҥэтиллибитэ. Тэрээһиҥҥэ улуус баһылыга Юрий Иннокентьевич Слепцов кыттыыны ылла. Кини анал байыаннай дьайыы кыттыылаахтарыгар, кинилэр дьиэ кэргэттэригэр уонна чугас дьонноругар улуус баһылыгын анал дьаһалынан көмө-өйөбүл оҥоһулларын уонна бу үлэ салгыы ыытылларын туһунан иһитиннэрдэ. Дойду Президенэ Владимир Путин 2023 сыл бэс ыйыгар Анал байыаннай дьайыы кыттыылаахтарыгар социальнай өйөбүл эбии миэрэлэрин туһунан дьаһалынан регионнарга босхо сир учаастактарын биэриини көрөрү көҕүлээбитэ. Ол чэрчитинэн, 2023 сыл сэтинньи ыйыгар Саха Өрөспүүбүлүкэтин Ил Түмэнэ өрөспүүбүлүкэ Сирин кодексатыгар уларытыылары киллэрэн, анал байыаннай дьайыы кыттыылаахтарыгар кэтэх хаһаайыстыбаны туталларыгар уонна дьиэ тутталларыгар анаан сир учаастагын босхо биэрэр туһунан дьаһал ылыммыта.⤵️
Открыть в MAX- Просмотры
- 178
- ER
- 0,6%
- Реакции
- 1