Пост канала
- фото, видео
Кэрэ аҥардар Хатырыкка түмсэллэр Атырдьах ыйын 29 күнүгэр Хатырык нэһилиэгин М.К.Аммосов аатынан культурнай-спортивнай кииҥҥэ "Женская энергия-сила в единстве" диэн ааттанан кэрэ аҥардарга аналлаах тэрээһин буолан ааста. Тэрээһини Хатырыктааҕы "Сайдам" норуот айымньытын дьиэтин директора Елена Ефремова, Улуустааҕы дьахтар сэбиэтин председателэ Ирина Винокурова көҕүлээһиннэринэн, Хатырык нэһилиэгин дьахталларын сэбиэтэ (сал. Аглаида Макитова, Улуустааҕы "Бизнес центр (сал.Борис Бугаев), уонна "Нам улууһаэ МР "Дьиэ кэргэн уонна ыччат политиката" отдел (сал. Екатерина Евстафьева) өйөбүллэринэн бэрт сэргэхтик ааста. Дьокуускай куораттан Саха республикатын дьахталларын түмсүүтүн председателэ Анжелика Андреева, реаниматолог-быраас, нейропсихосоматика специалиһа Любовь Никифорова, "Крылья" кулууп салайааччыта Анджелика Григорьева, Горнай улууһун дьахталларын сэбиэтин председателэ Айталина Баишева уонна Горнай көхтөөх кэрэ аҥардара ыалдьыттаатылар. Тэрээһин түсчүт Сэбэрэкэ Сандаарыйа Куо Алтай кыыһа алгыстаах арчытыттан саҕаланна, салгыы кэлбит ыалдьыттары кытта истиҥ кэпсэтии, опыт атастаһыыта, дьахтар доруобуйата, үлэ, дьиэ кэргэн, дьахтар обществоны хамсатар сүдү күүс, түмсүүлээх буолуу тула буолла. Кэпсэтиини "Вот это , Да!" телевизионнай конкурс кыттыылааҕа, З.П.Винокуров аат.оҕо искусствотын Хатырыктааҕы филиалын үөрэнээччитэ Артём Кириллов (сал.; Иннокентий Татаринов), СР култууратын туйгуна Светлана Дьяконова кэрэ ырыаларынан киэргэттилэр. Эбиэт кэмигэр минньигэс астаах остуол тула олорон, итии үүттээх чэй иһэ-иһэ сэһэргэһии салҕанна. "Тэтим" доруобуйаны үҥкүүнэн тупсарар коллектив (сал.: СР култууратын туйгуна Екатерина Обутова) мустубут ыалдьыттарга флэшмоб үҥкүүлэттилэр. Салгыы интэриэстэринэн маастар кылаастар, трениннэр ыытылыннылар. Сэбэрэкэ Сандаарыйа Куо Алтаай кыыһа уонна Сыдьаайа Сырдык күүс древоплетение, Сардаана Свинобоева "Толкуй" интеллектуальнай оонньуу, нумеролог Туйаара Татаринова, Диана Голикова трендовай булавка, Вера Попова макраме маастар кылаастарын, Наталья Иванова баайыы сумкаларын, сахалыы таҥастарын, Горнай кэрэ куоларын оҥоһуктарын кэлбит дьон олус сэҥээрдилэр. Бу күн кэлбит кэрэ аҥардар истиҥник кэпсэтэн, элбэҕи билэн, билсиһэн, дьүөгэлэһэн, бары астынан, тэрийээччилэргэ махтанан тарҕастылар. Түмүккэ, Горнай уонна Нам улууьун женсоветтара бииргэ үлэлэһэргэ сүбэлэстилэр. Инникитин Анджелика Григорьева салайар «Крылья» кулуубун филиалын Намҥа арыйарга этии киирдэ. Дьахтар хамсааһынын үлэтэ хас биирдии дьиэ кэргэнтэн саҕалаан бүттүүн улууска тиийэ сабыдыаллыыр суолталаах. Улуустааҕы дьахтар сэбиэтин председателэ Ирина Винокурова
Открыть в MAX- Просмотры
- 239
- ER
- 0,8%
- Реакции
- 2